Ester 9:4 - Manobo Western Bukidnon OT

⁴ Su si Mordecai utew en dekelà is gehem din diyà te turuǥan te hadì; nekeeneb en is bentuǥan din diyà te tivuuk he ginhedian. Ne mid-iseg pa is kegkemekeǥeǥehem din.

Ester 9:4 ပူးပေါင်းရင်းမြစ်များ

2 Samuel 3:1

Iyan haazà puunà te meluǥayad he tebek te edapig ki Saul wey te edapig ki David. Ed-iseg ebmelig-en is grupu ni David ne ebmeluya mulà is grupu ni Saul.

1 Cronica 11:9

Utew mibmelig-en si David, tenged te edtevangan sikandin te Nengazen he Mekeǥeǥehem.

1 Cronica 14:17

Ne tenged kayi nevantug si David diyà te minsan hendei ne mibpengelinteuwan te Nengazen he mengehandek kandin is langun he menge nasyun.

Ester 10:2

Ne is langun he nehimu ni Hadì Ahasuerus tenged te kezekelà te ǥehem din, wey is tivuuk he keguǥuza te utew kegkeventuǥa ki Mordecai, ne ingkesurat diyà te Libru he Midsuratan te menge Keguǥuza te menge Hadì te Media wey Persia.

Salmo 1:3

Iring sikandin te kayu he ziyà ipemula te veyvey te wahig ne ebpemeǥas sikandin dutun te timpu te tipemeǥas, ne kenà egkeǥangu is menge zahun din. Is etew he iring kayi, ed-uswag diyà te menge vaal zin.

Salmo 18:43

Midluwas a kenikew te ribildi he menge etew. Midhimu a kenikew he pengulu te menge nasyun. Is menge lumelengyawà ne ebpenilbi kedì.

Salmo 92:13

Iring sikandan te menge kayu he impemula ziyà te valey te Nengazen he Megbevayè tew he meupiya is tuvù dan,

Exodus 11:3

(Su midhimu te Nengazen is menge Ehiptohanen he mebmahagkap is gehinawa zan diyà te menge Israilihanen, ne si Moises daan, dekelà is kedtehuza kandin te menge upisyal te hadì te Ehipto wey te zuma he menge Ehiptohanen.)

Erubasa 4:18

Is kebpengungubpaan te menge etew he metazeng ne igkepetug-iring te aney en he kedsilà te andew ke egkepawà he ebmerayag taman te meudtu.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Zefanias 3:19

Dutun he andew, edsilutan ku is langun he midlisedlised keniyu. Edlibriyen wey edtiǥumen ku sikiyu is iring te menge kerehidu he nengepiangan wey nekedsusuwey. Mibpeel-elezan kew zengan, piru ebeǥayan ku sikiyu te zengeg wey edhimuwen ku he mevantug kew kayi te tivuuk he kelibutan.

Josue 6:27

Mibpekiduma ki Josue is Nengazen, ne nevantug sikandin seled te tivuuk he nasyun.

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.