Ester 9:30 - Manobo Western Bukidnon OT

³⁰ Ne haazà is surat, impeuwit ni Mordecai ziyà te langun he menge Judio ziyà te 127 he prubinsya zutun te ginhedian ni Hadì Ahasuerus, ne zuen dutun penuvadtuvad he meveǥayi te kelinew wey kelig-en is menge Judio,

Ester 9:30 ပူးပေါင်းရင်းမြစ်များ

Genesis 23:1

Is keluǥayad te untung ni Sara 127 he tuig.

Ester 1:1

Duen sevaha he hadì te Persia he migngezanan ki Ahasuerus. Diyà sikadin med-ubpà te turuǥan he miberengbeng diyà te inged he Susa. Edhedian din is 127 he prubinsya puun te India taman te Etiopia.

Ester 8:9

Ne hein ike-23 he andew te iketelu he vulan te tuig he migngezanan te vulan he Sivan, mibpesuǥuan sikan is menge sikritaryu zuen te hadì. Ne insurat dan is suǥù he impesurat kandan ni Mordecai he para te menge Judio, menge gubirnedur, menge pengulu, wey te lavew he menge upisyal zutun te 127 he menge prubinsya su puun dà te nasyun he India ne pehendiyè en te Etiopia. Ne is paaǥi te kedsurata zutun he suǥù, migamit dan is keugelingen he kineǥiyan te menge etew ziyà te kada prubinsya wey is kineǥiyan te menge Judio.

Salmo 73:27

Is menge etew he ed-iniyug kenikew, ne kenà duwazuwa he egkengahanew sikandan; edezeetan nu is wazà medtuman te egkesuatan nu.

Isaias 32:17

Is beǥas te ketazeng iyan is meupiya he ked-ubpà, kelinew, wey kenà egkekeizan te wazè din pidtemanan.

Isaias 39:8

Mid-isip ni Hezekia he kenà haazà egkehitavù dutun te kandin he timpu, kekenà, duen kelinew wey wazà kezeetan dutun te uuyag pa sikandin. Umbe migkaǥi sikandin diyà te ki Isaias te, “Meupiya heeyan is menge lalag te Nengazen he migkaǥi nu kedì.”