Ester 9:2 - Manobo Western Bukidnon OT

² Su zutun he andew, midtiǥum is menge Judio ziyà te kada inged he ed-ubpaan dan he sakup te kada prubinsya zutun te ginhedian ni Hadì Ahasuerus, su wey zan mehimetayi is minsan hentei he edsurung kandan. Ne wazà nekesukul kandan su nengahandek kandan is langun he menge etew.

Ester 9:2 ပူးပေါင်းရင်းမြစ်များ

Genesis 35:5

Ne hein migenat en dutun ensi Jacob, mibpengelinteuwan te Megbevayà he mahandek is menge meǥinged te menge siringan dan he inged, umbe wazè dan mezal-as ensi Jacob.

Ester 8:11

Ne zutun te surat, intuǥut te hadì diyà te menge Judio he ziyà te minsan hendei he inged dutun te ginhedian is ketenged te kedsevaha, su wey zan mepengelangi is keugelingen dan. Intuǥut kandan is kedezaat, kebpenhimatey, wey kebpuew te menge edsurung kandan, minsan hengkey he nasyun is ebpuunan dan wey minsan hengkey he prubinsya, ragkes en is menge vahi wey menge vatà. Ne elin daan intuǥut kandan is kedtavan te menge azen te menge kuntada zan.

Ester 8:17

Diyà te kada prubinsya wey kada inged he neumahan dutun te suǥù te hadì, mibmelipayen wey midlipeylipey is menge Judio ne mid-andam dan te pista te kedsilibraha kayi. Ne mahabet he menge etew zutun te ginhedian he kenà menge Judio, iyan, nehimu sikandan he menge Judio su egkahandek dan te menge Judio.

Ester 9:10

Ne heini sikandan is sepulù ne pudu menge anak ni Haman te anak ni Hamedata, he kuntada te menge Judio. Iyan, wazà tevana te menge Judio is menge azen te menge kuntada zan.

Salmo 71:13

Berakat he mepeel-elezi wey mengezeeti is menge etew he mibutangbutang kedì. Berakat he mepeel-elezi wey susudia is menge etew he egkesuat he edezaat kedì.

Salmo 71:24

Layun ku edtudtula is ketazeng nu, su is egkesuat he edezaat kedì nepeel-elezan wey neliveg.

Exodus 23:27

“Epelihendeken ku wey edliveǥen ku is menge kuntada niw he zutun te egkesineruwan niw ne ebpemekepelaǥuy zan.

Isaias 8:9

Sikiyu is menge etew ziyà te menge nasyun, minsan mebpetemtempuwè kew pa, ebpekedsusuwey kew ǥihapun. Pemineg kew is diyà te menge meziyù! Minsan mebpengandam kew pa para te kebpekidtebek, egkezaag kew ǥihapun.

Deuteronomio 2:30

Piru wazè kiw ipevayà ni Hadì Sihon he hadì te Heshbon. Su mibpekezesen te Nengazen he Megbevayè niw is gehinawa zin su ibeǥey zin sikandin diyà te kenitew, ne imbeǥey zin en iyan.

Josue 11:20

Su mibpekubalan te Nengazen is gehinawa zan su wey zan sukuli te tebek is menge Israilihanen. Ne pinaaǥi kayi egkepurung sikandan egkezeeti ne ebpenhimetayan he kenè ne egkelizuwan, su iyan insuǥù te Nengazen ki Moises.

Josue 2:9

ne migkeǥiyan din sikandan te, “Netuenan ku he imbeǥey keniyu te Nengazen heini he tanà ne utew kew ingkahandek te menge etew kayi.