Ester 9:13 - Manobo Western Bukidnon OT

¹³ Ne migkaǥi si Ester te, “Emun meupiya zà te ǥehinawa nu, Mahal he Hadì, ne iyan edhengyuen ku is: Tuǥuti nu is menge Judio kayi te Susa te ked-uman kebpengalang te keugelingen dan keeselem, iring te mibeelan dan guntaan. Ne ipevitey nu ziyà te vitayà sikan is sepulù he menge anak ni Haman he nemematey en.”

Ester 9:13 ပူးပေါင်းရင်းမြစ်များ

2 Samuel 21:6

Umbe, iveǥey niw kenami kes pitu he menge kevuwazan din he menge maama, su edhimetayan dey sikandan, ne kenà id-awà is menge lawa zan diyà te egkesevukan dan he uvey te ed-ezapan te Nengazen diyà te Gibea, he inged ni Saul he mibpilì te Nengazen he hadì,” midtavak haazà is hadì te, “Uya ibeǥey ku en sikandan keniyu.”

2 Samuel 21:9

Imbeǥey sikandan ni David te menge Gibyunhen ne midhimetayan sikandan is pitu ziyà te vuvungan he uvey te inged he zutun ed-ezapa is Nengazen. Ne wazè en welenga zutun is menge minatey he lawa zan. Neulaula heini timpu te kebpuun ked-eǥani te barli.

Ester 8:11

Ne zutun te surat, intuǥut te hadì diyà te menge Judio he ziyà te minsan hendei he inged dutun te ginhedian is ketenged te kedsevaha, su wey zan mepengelangi is keugelingen dan. Intuǥut kandan is kedezaat, kebpenhimatey, wey kebpuew te menge edsurung kandan, minsan hengkey he nasyun is ebpuunan dan wey minsan hengkey he prubinsya, ragkes en is menge vahi wey menge vatà. Ne elin daan intuǥut kandan is kedtavan te menge azen te menge kuntada zan.

Ester 9:14

Ne insuǥù dutun te hadì he edtumanen is hangyù ni Ester. Impehibelu te menge meǥinged diyà te Susa haazà is suǥù te hadì. Ne impevitey zan sikan is sepulù he menge anak ni Haman he nemematey en.

Ester 9:15

Meselem dutun te ike-14 he andew zutun te vulan he Adar, mid-uman medtiǥum is menge Judio he zutun te Susa, ne nekepatey zan te 300 he menge etew. Iyan, wazè dan tevana is menge azen dutun te menge kuntada zan.

Deuteronomio 21:23

kinahanglan he kenà egkepewaan is lawa zin dutun te kayu. Kinahanglan he idleveng niw heini zutun dà te andew te kedhimetayi zuen, su is minsan hentei he imbitey ziyà te kayu ne midrewakan te Megbevayà. Kenè niw remeriki is tanà he ibeǥey keniyu te Nengazen he Megbevayè niw he egkepengevilin niw.