Ester 9:10 - Manobo Western Bukidnon OT

¹⁰ Ne heini sikandan is sepulù ne pudu menge anak ni Haman te anak ni Hamedata, he kuntada te menge Judio. Iyan, wazà tevana te menge Judio is menge azen te menge kuntada zan.

Ester 9:10 ပူးပေါင်းရင်းမြစ်များ

Genesis 14:23

Minsan tanur zà etawa hiket te sandalyas, ne kenè ku edewaten. Ne kenè ku egkuwaan is minsan hengkey he azen nu su kela ke mekekaǥi ka he iyan ka insepian ku.

Genesis 34:27

Ne zutun, nekeuma zaan is duma pa he menge anak ni Jacob dutun te inged ne mibpenavan dan is menge azen dutun te inged. Mid-ulaula zan haazà tenged te midèdeetan is dengeg te etevey zan he si Dina.

Ester 3:1

Ne liwas te kegkeul-ulaha kayi, impeuswag ni Hadì Ahasuerus is ketengdanan ni Haman he anak ni Hamedata te kevuwazan ni Agag. Midhimu zin sikandin he pinekelavew he upisyal te ginhedian din.

Ester 3:13

Heini he surat ne ibpeuwit diyà te langun he menge prubinsya zutun te ginhedian pinaaǥi te menge menunudtulà. Iyan taǥù kayi he surat is kebmandù he ebpenhimetayan is langun he menge Judio seled te senge andew zà, betan-en etawa meǥurang, ragkes is menge vahi wey menge vatà, ne egkuwaan is langun he menge azen dan. Edhimuwen heini zutun te ike-13 he andew te ike-12 he vulan, he iyan is bulan he Adar.

Ester 5:11

Ne mibpehembuǥan din sikandan te kesesepian din, kahabet te menge anak din, wey te langun he kaaǥi te kebpeuswaǥa kandin duen te hadì, ne lavew en is kegkehimuwa kandin he kinelevawan te langun he menge upisyal te hadì.

Ester 7:4

Su zuen suhul he ibeǥey ziyà te minsan hentei he egerà kenami. Emun imbelegyà key zà su wey key mehimu he menge uripen, kenè ku en sikew edsemuken su kenè en haazà ereg he idsamuk kenikew.”

Ester 7:6

Ne midtavak si Ester te, “Iyan en heini is lalung he Haman; iyan sikandin utew zey kuntada.” Ne neheratan utew si Haman dutun te etuvangan te hadì wey rayna.

Ester 8:11

Ne zutun te surat, intuǥut te hadì diyà te menge Judio he ziyà te minsan hendei he inged dutun te ginhedian is ketenged te kedsevaha, su wey zan mepengelangi is keugelingen dan. Intuǥut kandan is kedezaat, kebpenhimatey, wey kebpuew te menge edsurung kandan, minsan hengkey he nasyun is ebpuunan dan wey minsan hengkey he prubinsya, ragkes en is menge vahi wey menge vatà. Ne elin daan intuǥut kandan is kedtavan te menge azen te menge kuntada zan.

Ester 9:11

Ne zutun daan he andew, midtudtul zuen te hadì is kahabet te midhimetayan te menge Judio ziyà te inged he Susa.

Ester 9:9

si Parmashta, si Arisai, si Aridai wey si Bayzata.

Salmo 21:10

Edhimetayan nu is langun he kevuwazan dan, ne wazà edresik kandan.

Exodus 17:16

Ke sikandin te, “Tenged te impaahà te menge Amalikanhen is kedsukul zan te Nengazen, ne kenà ed-engkezan te Nengazen te edtebek is menge Amalikanhen taman te taman.”

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

Daniel 6:24

Ne zutun mibmandù haazà is hadì, he is langun he midsumbung ki Daniel ne id-ulug dutun te vudsi he zuen duen menge erimaung ragkes is menge esawa zan wey menge anak dan. Ne hein in-ulug en sikandan, ne wazè pe ganì sikandan meketanà ne midlingketawan en duen te menge erimaung ne mibpitaspitas duen te menge erimaung sikandan.