Ester 9:1 - Manobo Western Bukidnon OT

¹ Ne neume en is ike-13 he andew te ike-12 he vulan he iyan kes bulan he Adar. Iyan en heini andew te kedtumana zuen te suǥù te hadì. Ne zutun he andew kunaan te menge etew he kuntada te menge Judio ke iyan dan ebpekezaag. Iyan, neveriyung su iyan dan nezaag te menge Judio.

Ester 9:1 ပူးပေါင်းရင်းမြစ်များ

2 Samuel 22:41

Mibpepeleǥuyan a kenikew te menge kuntada ku ne midezeetan ku sikandan.

Ester 3:13

Heini he surat ne ibpeuwit diyà te langun he menge prubinsya zutun te ginhedian pinaaǥi te menge menunudtulà. Iyan taǥù kayi he surat is kebmandù he ebpenhimetayan is langun he menge Judio seled te senge andew zà, betan-en etawa meǥurang, ragkes is menge vahi wey menge vatà, ne egkuwaan is langun he menge azen dan. Edhimuwen heini zutun te ike-13 he andew te ike-12 he vulan, he iyan is bulan he Adar.

Ester 3:7

Duen te nehuna he vulan, he iyan kes bulan he Nisan, te ike-12 he tuig te kedhadì ni Ahasuerus, insuǥù ni Haman he edripahan is kedtendùa te andew wey vulan te kedtumana te menge pelanu zin. (Is migamit dan te keripa ne egngezanan te “pur.”) Ne iyan neripahan is ike-13 he andew te ike-12 he vulan, he iyan kes bulan te Adar.

Ester 8:12

Ne ebeelan heini te menge Judio ziyà te langun he menge prubinsya he sakup te ginhedian ni Hadì Ahasuerus seled dà te senga andew he iyan is ike-13 he andew zutun te ike-12 he vulan he iyan kes migngezanan te vulan he Adar.

Ester 8:6

Kenè ku egkaantus he egkeehè ku is kegkeǥerà te menge emurè ku te inged wey menge kezuzumahi ku.”

Salmo 18:40

Mibpepeleǥuyan a kenikew te menge kuntada ku, ne midezeetan ku sikandan.

Salmo 30:11

Tenged te tavang nu, mid-ilisan nu te melipayen he kedsayew is keseengan ku. Impeluwas nu kedì is bisti ku he saku he tuus te kedlalew ku, ne mibeǥayan a kenikew te kelipey.

Deuteronomio 32:36

Edhukum is Nengazen he edlavan te menge etew zin; egkehizuwan din sikandan is menge suluǥuen din, emun egkeehè din he wazè dan en desen wey zeisey zà is egkesamà kandan, uripen man etawa kenà uripen.