Ester 8:7 - Manobo Western Bukidnon OT

⁷ Ne migkaǥi si Hadì Ahasuerus ziyà te ki Rayna Ester wey ki Mordecai te, “Impevitey ku en si Haman tenged te mezaat he vaal zin he idezaat din te menge Judio. Imbeǥey ku en diyà te kenikew, Rayna Ester, is keǥehem te kebayàbayà te langun he azen ni Haman.

Ester 8:7 ပူးပေါင်းရင်းမြစ်များ

Ezra 4:6

Hein mibpuun medhadì si Ahasuerus, is menge kuntada te menge meǥinged diyà te Juda wey Jerusalem midsurat te menge sumbung dan kuntra kayi he menge meǥinged.

Ester 7:10

Umbe imbitey zan si Haman diyà te vitayà he mibpeveelan din he para pezem ki Mordecai. Ne zutun naawà is pauk duen te hadì.

Ester 7:9

Ne migkaǥi si Harbona, is sevaha zuen te menge sineriǥan te hadì te, “Mibpevaal si Haman te vitayà he menge 75 he ǥiek is ketikang din diyà te uvey te valey zin. Mibpeveelan din haazà para ki Mordecai, he iyan kes etew he neketavang kenikew, Mahal he Hadì.” Ne zutun mibmandù kes hadì te, “Bitaya niw zutun si Haman!”

Ester 8:1

Dutun daan he timpu, imbeǥey ni Hadì Ahasuerus diyà te ki Rayna Ester is keǥehem te kebayàbayà te langun he azen ni Haman te kuntada te menge Judio. Ne midtudtul ni Ester is kedepitè dan ki Mordecai, umbe mibpesuǥuan dutun te hadì si Mordecai su wey zan meked-etuvang.

Erubasa 13:22

Is ketiǥeyunan te etew he metazeng ne egkepengevilin te menge apù din, iyan, is azen te mekesesalà, iyan ebpekaangken duen is menge metazeng.