Ester 8:5 - Manobo Western Bukidnon OT

⁵ Migkaǥi si Ester te, “Emun tutuu he ebpurungan a kenikew, Mahal he Hadì, wey nekepenunuat a kenikew, wey ke hustu ziyà te kenikew: Pevaal ka te velaud he kenè en edleusen edtumana sikan is suǥù ni Haman he anak ni Hamedata he kevuwazan ni Agag. Heini he suǥù impesurat ni Haman, ne egkaǥi te ebpuawen is langun he menge Judio ziyà te minsan hendei he prubinsya he sakup te ginhedian nu.

Ester 8:5 ပူးပေါင်းရင်းမြစ်များ

Ester 2:17

Utew nesuati te hadì si Ester lavew zuen te langun he menge vahi he mid-uwit diyà te kandin. Utew zin nesuati sikandin, mibpurungan din utew sikandin. Migkurunahan din sikandin ne midhimu he rayna ilis ki Bashti.

Ester 2:4

Ne is egkesuatan nu he raǥa, ne iyan nu iliwan ki Bashti he rayna.” Nesuatan te hadì haazà is migkaǥi ziyà te kandin, umbe mibpezumdumahan din heini.

Ester 3:1

Ne liwas te kegkeul-ulaha kayi, impeuswag ni Hadì Ahasuerus is ketengdanan ni Haman he anak ni Hamedata te kevuwazan ni Agag. Midhimu zin sikandin he pinekelavew he upisyal te ginhedian din.

Ester 5:8

Emun tutuu he nekepenunuat a kenikew, wey kelipey nu is kebeǥey te ebuyuen ku, ne ed-umanan ku sikiyu ed-imbitara ki Haman te idlavung he id-andam ku keeselem para keniyu. Ne egkeǥiyen ku human is idhangyù ku kenikew.”

Ester 7:3

Ne zutun midtavak si Rayna Ester, “Mahal he Hadì, emun nekepenunuat a kenikew, iyan egkesuatan ku wey iyan edhengyuen ku is libriya a kenikew wey is menge emurè ku te inged te kemetayen wey is langun he kezumahan ku. Iyan heini ebuyuen ku kenikew.

Exodus 33:13

Emun tutuu he nekepenunuat a kenikew, penurua a te menge paaǥi nu su para mekilala ku sikew su wey med-iseg pa is kebpekepenunuat ku kenikew. Tentenuzi nu he menge etew nu heini is menge kevuwazan ni Israel.”

Exodus 33:16

Is kedumahi nu kenami iyan igketueni te zuma he menge etew he nekepenunuat kenikew is menge etew wey siaken. Is kebpekiduma nu kenami iyan ibpekeviza zey te zuma he menge etew kayi te tanà.”

1 Samuel 20:29

Su migkeǥiyan te suled din te ibpaapil sikandin te kebpemuhat te pemilya zin, wey egkesuatan din daan he meehè din is menge kezuzumahi zin. Umbe wazà kayi sikandin.”