Ester 8:2 - Manobo Western Bukidnon OT

² Ne zutun te kebpeetuvengè dan, mibpul-ut duen te hadì sikan is sising he para idtuus he midhawì din diyà te ki Haman, ne imbeǥey zin diyà te ki Mordecai. Ne si Ester, imbeǥey zin diyà te ki Mordecai is keǥehem te kebayàbayà te langun he azen ni Haman.

Ester 8:2 ပူးပေါင်းရင်းမြစ်များ

Genesis 41:42

Ne mibpul-ut dutun te hadì is sising din he iyan tuus te keǥehem din he insarig din ki Jose. Mibpesun-uzan din si Jose te utew mahal he manggad he meputì ne mibpevelieǥan din sikandin te rantey he vulawan.

Ester 10:2

Ne is langun he nehimu ni Hadì Ahasuerus tenged te kezekelà te ǥehem din, wey is tivuuk he keguǥuza te utew kegkeventuǥa ki Mordecai, ne ingkesurat diyà te Libru he Midsuratan te menge Keguǥuza te menge Hadì te Media wey Persia.

Ester 3:10

Ne migkuwa zutun te hadì is sising din he ibpenmarka ne imbeǥey zin heini ki Haman he kuntada te menged Judio, he anak ni Hamedata he kevuwazan ni Agag.

Ester 8:3

Ne mid-uman en maan si Ester medhangyù dutun te hadì te meheǥet he kedhangyù su midlangkeb en sikandin diyà te uvey te paa zutun te hadì is edsineǥew. Midhangyù sikandin he kenè en edleusen is mezaat he pelanu ni Haman he kevuwazan ni Agag, he idezaat din te menge Judio.

Salmo 37:34

Sarig ka te Nengazen ne tumana nu is paaǥi zin, ne ebeǥayan ke zin te zengeg pinaaǥi te pedayun he kebpeubpaa zin kenikew kayi te tanà kayi te Israel. Ne egkeehè nu is kedsegseǥa te menge mezaat he etew puun keniyan he tanà.

Daniel 2:48

Ne zutun mibeǥayan duen te hadì si Daniel te mahabet wey mekempet he menge gasa. Wey mibeǥayan din daan sikandin te metikang he ketengdanan su iyan din impezumala te tivuuk he prubinsya te Babilonia wey impepenguluwan kandin is langun he uluwanen he etew zutun.