Ester 8:10 - Manobo Western Bukidnon OT

¹⁰ Impesurat heini ni Mordecai pinaaǥi te ngazan ni Hadì Ahasuerus, wey midtuusan te sising te hadì. Ne impeuwit te menge sinuǥù he nemen-untud diyà te meǥaan he menge kudà te hadì.

Ester 8:10 ပူးပေါင်းရင်းမြစ်များ

1 Hadì 21:8

Umbe, midsurat si Jezebel pinaaǥi te ngazan ni Ahab, ne midtetakan din heini te tatak te hadì, ne impeuwit din diyà te ebpemendumala wey zuma pa he menge upisyal te inged he ed-ubpaan ni Nabot.

1 Hadì 4:28

Ebeǥey zaan sikandan te barli wey kumpey he para te menge kudà he para te kerwahi wey te zuma pa he menge kudà. Ed-uwiten dan heini ziyà te lugar he ereg he ed-uwitan kayi zutun te midtendek he timpu te kebeǥey zan.

2 Cronica 30:6

Tenged te mandù te hadì, midhipanew te menge menunudtulà is tivuuk he Israel wey Juda he uwiten dan is menge surat he ebpuun te hadì wey ziyà te menge upisyal zin. Iyan heini egkeǥiyen dutun te surat: “Menge etew te Israel, guntaan te nelibri kew en puun te gehem te menge hadì te Asiria, iyan en guntaan timpu he edlikù kew ziyà te Nengazen, he Megbevayà te menge kepuun niw he si Abraham, si Isaac, wey si Jacob, su wey kew zin daan likui.

Ester 8:8

Guntaan, surat kew en te sevaha pa he suǥù pinaaǥi te ngazan ku para te menge Judio. Ne isurat niw ke hengkey is meupiya para keniyu, ne merkahi niw heini te sising ku. Su is minsan hengkey he dukumintu, kenà egkehimu he edhelinen emun ingkemarka zuen is ngazan ku wey sising ku.”

Job 9:25

“Utew meǥaan he ebpenlavey is menge andew te untung ku; henduen be te edhuna pa he meǥaan te ebpekidlumbà. Nenlavey heini zuma te kegkeseeng.

Megwewali 8:4

Duen gehem te menge suǥù te hadì, ne wazà ebpekesupak kayi.

Isaias 60:6

Ne sikew, Jerusalem, egkeeneb is menge tanè nu te menge kemilyu te menge tig-Median wey menge tig-Efa. Ne zuen menge etew ziyà te Sheba he ed-uwit te menge vulawan wey menge beyewà su ed-azap dan te Nengazen.

Isaias 66:20

Ne id-ulì dan is langun he menge zuma niw he Israilihanen puun keniyan he menge nasyun; ne ed-untud dan te menge kudà, menge mula wey menge kemilyu, wey menge kerwahi wey kerumata. Edumahan dutun te menge menunudtulà sikandan diyà te segradu he vuvungan ku ziyà te Jerusalem su iring sikandan te pemuhat kayi te kediey. Iring heini te ebeelan te menge Israilihanen he ed-uwit diyà te valey ku te menge pemuhat he para gasa he intaǥù diyà te lumpiyu he teleǥuey.

Jeremias 2:23

“Maan is nekekaǥi kew he wazè kew meremeriki wey wazè kew med-azap te menge ledawan ni Baal? Susiya niw ke hengkey he salà is nehimu niw ziyà te suǥud-suǥud te Hinom. Is-isipa niw is salà he neveelan niw. Iring kew te behiyan he kemilyu he mibpelelevag he kenà ebpeketeren.

Jeremias 51:21

is menge kudà wey is ebpemen-untud duen, is menge kerwahi wey is menge ebpen-untud duen.

Daniel 4:1

Midsurat si Hadì Nebucadnezar te pahayag he para te langun he nekedseselekawà he menge nasyun, menge kepuun, wey menge kineǥiyan kayi te kelibutan. Ne iyan heini ingkesurat: “Berakat he mebmeupiya is kebpekesavuk niw.

Daniel 6:8

Umbe, Mahal he Hadì, ibpetuman heini he suǥù. Ipesurat nu en heini ne segugunè nu pirmahi su para kenè en mahalin wey kenè en meveyveyani; iiring nu te kesuǥuan te ginhedian te Media wey Persia he kinahanglan utew he edtumanen.”