Ester 7:9 - Manobo Western Bukidnon OT

⁹ Ne migkaǥi si Harbona, is sevaha zuen te menge sineriǥan te hadì te, “Mibpevaal si Haman te vitayà he menge 75 he ǥiek is ketikang din diyà te uvey te valey zin. Mibpeveelan din haazà para ki Mordecai, he iyan kes etew he neketavang kenikew, Mahal he Hadì.” Ne zutun mibmandù kes hadì te, “Bitaya niw zutun si Haman!”

Ester 7:9 ပူးပေါင်းရင်းမြစ်များ

2 Hadì 9:32

Midlingahà si Jehu zutun te sulawà ne mid-insà sikandin te, “Duen be ziyan te zivavew edlavan kedì?” Duen dezuwa etawa tetelu he upisyal he mibpantew kandin dutun te sulawà.

Ester 1:10

Dutun te ikepitu he andew zutun te keemuran, melipayen is hadì te subra he ked-inum. Midsuǥù din is pitu he menge keugelingen din he sineriǥan he si Mehuman, si Bizta, si Harbona, si Bigta, si Abagta, si Zetar, wey si Carkas. Midsuǥù din sikandan

Ester 5:14

Ne migkaǥi ziyà te kandin is esawa zin wey is menge emiǥu zin te, “Pevaal ka te vitayà he 75 he giek is ketikang din ne keeselem ke meselem hengyui nu sikan is hadì he isuǥù din he vitayà dutun si Mordecai, su wey ka mebmelipayen he ebpekiduma te hadì te kedlavung.” Ne utew ingkesuat ni Haman haazà, umbe mibpevaal sikandin te vitayà.

Ester 6:14

Ne zutun te kemulu pa sikandan ebpelelelaǥà, nekeuma is menge sineriǥan duen te hadì, ne migègaanan dan dumaha si Haman diyà te in-andam ni Ester he idlavung.

Ester 6:2

Ne nevasa zutun te libru is mehitenged te kedsumbung ni Mordecai te planu eni Bigtana wey ni Teresh he kedhimatey ki Hadì Ahasuerus. Heini si Bigtana wey si Teresh menge sineriǥan sikandan te hadì te kebantey zuen te ǥemawan te ruǥu zin.

Ester 8:7

Ne migkaǥi si Hadì Ahasuerus ziyà te ki Rayna Ester wey ki Mordecai te, “Impevitey ku en si Haman tenged te mezaat he vaal zin he idezaat din te menge Judio. Imbeǥey ku en diyà te kenikew, Rayna Ester, is keǥehem te kebayàbayà te langun he azen ni Haman.

Ester 9:14

Ne insuǥù dutun te hadì he edtumanen is hangyù ni Ester. Impehibelu te menge meǥinged diyà te Susa haazà is suǥù te hadì. Ne impevitey zan sikan is sepulù he menge anak ni Haman he nemematey en.

Ester 9:25

Piru hein netuenan duen te hadì haazà he pelanu pinaaǥi ki Rayna Ester, mibpesurat sikandin te belaud he is mezaat he pelanu ni Haman kuntra te menge Judio ne ziyà edhimuwa te kandin. Ne imbitey si Haman ragkes is menge anak din he menge maama.

Salmo 141:10

Himuwa nu he iyan sikandan meutel zuen te penuǥes dan, ne mekelikey a mulà dutun.

Salmo 35:8

Berakat he metik-awi sikandan meumahi te kezeetan. Berakat he iyan sikandan meuney zuen te idlitag dan kedì. Berakat he iyan sikandan meulug duen te vangbang dan.

Salmo 73:19

Egketik-ew zà sikandan egkengezeeti; egkeumahan sikandan te mekahandekhandek he hitavù ne ebpematey sikandan is langun.

Daniel 6:24

Ne zutun mibmandù haazà is hadì, he is langun he midsumbung ki Daniel ne id-ulug dutun te vudsi he zuen duen menge erimaung ragkes is menge esawa zan wey menge anak dan. Ne hein in-ulug en sikandan, ne wazè pe ganì sikandan meketanà ne midlingketawan en duen te menge erimaung ne mibpitaspitas duen te menge erimaung sikandan.

Daniel 6:7

Sikami is menge administradur, menge mayur, menge gubirnedur, menge sumesambag, wey zuma he menge upisyal te ginhedian nu, neuyun key he edhengyuan dey sikew he vaal ka te velaud, he seled te 30 he andew kinahanglan he wazà minsan hentei he ebpengemuyù diyà te minsan hentei he ed-ezapen etawa etew, kekenà, diyè dà te kenikew. Ne utew kinahanglan he edtumanen heini, su is minsan hentei he kenà kayi edtuman he suǥù ne idtimbag diyà te vudsi he zuen duen menge erimaung.

1 Samuel 17:51

Mibpelelaǥuy ni David si Goliat ne migkuwa zin is ispada zin, ne mibpungelan din te ulu. Hein naahà te menge Filistihanen he minatey en kes sundaru zan he metau he ebpekidtebek, nemelaǥuy zan.