Ester 7:3 - Manobo Western Bukidnon OT

³ Ne zutun midtavak si Rayna Ester, “Mahal he Hadì, emun nekepenunuat a kenikew, iyan egkesuatan ku wey iyan edhengyuen ku is libriya a kenikew wey is menge emurè ku te inged te kemetayen wey is langun he kezumahan ku. Iyan heini ebuyuen ku kenikew.

Ester 7:3 ပူးပေါင်းရင်းမြစ်များ

1 Hadì 20:31

Migkeǥiyan sikandin te menge upisyal zin te, “Nezineg dey he hihizuwen kun is menge hadì te Israel. Umbe edhendiyè key te hadì te Israel ne ebpekevavè key pinaaǥi te kebivisti te saku wey kebagkes te pisì diyà te menge ulu zey. Ne kela ke kenè ke zin ded himetayi.”

2 Hadì 1:13

Mid-uman en maan medsuǥù haazà is hadì te iketelu he upisyal duma te 50 he etew. Ne hein nekeuma haazà is upisyal ziyà te ki Elias midluhud sikandin diyà te ki Elias su edtahud, wey ebpehizuhizu, “Sikew is suluǥuen te Megbevayà, ikehizu a kenikew wey is menge etew ku. Kenè key kenikew himetayi is menge suluǥuen nu.

Ester 4:8

Ne mibeǥayan daan ni Mordecai si Hatac te kupya zuen te suǥù te hadì he midhimu ziyà te Susa he midhisgut te kebpuawa kandan te menge Judio su wey zin ikeseysey wey ikepaahà diyà te ki Ester. Intelaan din daan diyà te ki Hatac he kinahanglan he mebpekidhinguma si Ester zuen te hadì su wey zin mehengyui he ikehizu zin sikandan is menge Judio.

Ester 5:8

Emun tutuu he nekepenunuat a kenikew, wey kelipey nu is kebeǥey te ebuyuen ku, ne ed-umanan ku sikiyu ed-imbitara ki Haman te idlavung he id-andam ku keeselem para keniyu. Ne egkeǥiyen ku human is idhangyù ku kenikew.”

Ester 7:7

Ne zutun midhitindeg haazà is hadì tenged te utew zin kegkepauk. Mid-ewaan din is binu he ed-inumen din ne midhendiyà sikandin te pemuleey ziyà te turuǥan. Piru mibpetaǥak si Haman ne mibpehizuhizu sikandin ki Rayna Ester su netuenan din he siguradu he edsilutan sikandin te hadì.

Ester 8:5

Migkaǥi si Ester te, “Emun tutuu he ebpurungan a kenikew, Mahal he Hadì, wey nekepenunuat a kenikew, wey ke hustu ziyà te kenikew: Pevaal ka te velaud he kenè en edleusen edtumana sikan is suǥù ni Haman he anak ni Hamedata he kevuwazan ni Agag. Heini he suǥù impesurat ni Haman, ne egkaǥi te ebpuawen is langun he menge Judio ziyà te minsan hendei he prubinsya he sakup te ginhedian nu.

Job 2:4

Midtavak si Setanas te, “Edewaten te etew is kegkehanew te langun he ziyà te kandin basta meuyag sikandin.

Jeremias 38:26

Kegiyi nu sikandan te, ‘Mibpehizuhizu a te hadì he kenà ad ilikù diyà te valey ni Jonatan su ebpatey a zutun.’ ”