Ester 6:6 - Manobo Western Bukidnon OT

⁶ Ne hein nekeseled en si Haman, mid-insaan sikandin dutun te hadì te, “Hengkey is dait he ebeelan ku ziyà te etew he nekepenunuat kedì te kebeǥayi ku kandin te zengeg?” Kunaan ni Haman ke sikandin is egkeǥiyen duen te hadì,

Ester 6:6 ပူးပေါင်းရင်းမြစ်များ

Ester 1:15

Ne mid-insà diyà te kandan haazà is hadì te, “Sumalà is diyà te kesuǥuan, hengkey is kinahanglan he ed-ul-ulahan diyà te ki Rayna Bashti tenged te kenè din kebpezumdumahi te suǥù ku he impetudtul ku ziyà te kandin te menge sineriǥan ku?”

Ester 5:11

Ne mibpehembuǥan din sikandan te kesesepian din, kahabet te menge anak din, wey te langun he kaaǥi te kebpeuswaǥa kandin duen te hadì, ne lavew en is kegkehimuwa kandin he kinelevawan te langun he menge upisyal te hadì.

Ester 6:11

Umbe migkuwa ni Haman sikan is bisti wey kudà ne midsun-uzan din si Mordecai ne impeuntud din duen te kudà ne in-elibet din diyà te inged duma is layun din kebensag te, “Iyan heini ed-ul-ulahan diyà te etew he ebeǥayan te hadì te zengeg su nekepenunuat kandin.”

Ester 6:5

Midtavak sikan is menge suluǥuen te, “Si Haman.” Ne migkaǥi haazà is hadì te, “Ipeseled niw sikandin dini.”

Ester 6:7

umbe midtavak sikandin te, “Iyan meupiya he ebeelan nu ziyà te kandin is:

Ester 6:9

Ne iyan ipesun-ud nu kandin dutun te visti is sevaha zuen te lavew he menge upisyal nu, ne haazà sikandin, iyan daan egiya zutun te etew he ebeǥayan nu te zengeg su nekepenunuat kenikew he ed-untud te kudà he ed-elibet dutun te inged. Ne zuen daan ibpepempemensag te, ‘Iyan heini ed-ul-ulahan diyà te etew he ebeǥayan te hadì te zengeg su nekepenunuat kandin.’ ”

Salmo 35:27

Berakat he mekeugyab te kegkelipey is menge etew he igkelipey zan is kenà ked-utengi kedì te salà he impesangil kedì. Berakat he layun sikandan mekekaǥi te, “Utew zait he edeliǥen is Nengazen ne igkelipey zin is keupiyaanan te suluǥuen din.”

Erubasa 1:32

Su is kewewalì te etew he wazè din hustu he ketau iyan ibpatey zin, ne is kebpeeyehey te tulebung iyan ebpekezezaat kandin.

Erubasa 16:18

Is kebpelavew wey kegkemesinupaken, edrimeǥas te kezeetan.

Erubasa 18:12

Is kebpelavew te etew ebpekezezaat kandin, iyan, edeliǥen mulà is etew he kenà mepelevawen.

Erubasa 30:13

Duen menge etew he utew en hembugiru, minsan is kebpenirapsirap dan ne henduen te hentei sikandan.

Isaias 42:1

Migkaǥi is Nengazen te, “Heini zed is suluǥuen ku he edlig-enan ku. Mibpilì ku heini ne ingkelipey ku sikandin. Midumala ku sikandin te Mulin-ulin ku, ne edhimuwen din diyà te menge nasyun is paaǥi he wazà duen egkevintahaan.

Jeremias 32:41

Igkelipey ku is kebaal te meupiya ziyà te kandan, ne ebpuun diyà te tivuuk he ǥehinawa ku is kebpeubpaa ku kandan kayi he tanà.”

Obadias 1:3

Migkaǥi kew te wazà ebpekehimu he edsurung keniyu su geina te ziyè kew med-ubpà te vetuwen wey metikang he lugar. Piru heeyan is hambug niw iyan paaǥi te kedlimbungi niw te keugelingen niw.