Ester 6:10 - Manobo Western Bukidnon OT

¹⁰ Nekeuyun dutun haazà is hadì ne ke sikandin diyà te ki Haman te, “Iyan ku sikew ibpevaal keniyan te nekaǥi nu, ne gègaani nu veyai sikan is bisti he ibivisti ku wey sikan is kudè ku ne sumalà is nekaǥi nu ne iyan ul-ulaha nu ziyà te Judio he si Mordecai he ebpimpinuu ziyà te pultahan kayi te turuǥan. Ne purungi nu tumana sikan is nekaǥi nu.”

Ester 6:10 ပူးပေါင်းရင်းမြစ်များ

2 Hadì 10:10

Pinaaǥi kayi egkesavut niw he is langun he migkaǥi te Nengazen he ebpekesuǥat te pemilya ni Ahab egketuman iyan. Midtuman te Nengazen is migkaǥi zin pinaaǥi ki Elias he suluǥuen din.”

Ester 6:11

Umbe migkuwa ni Haman sikan is bisti wey kudà ne midsun-uzan din si Mordecai ne impeuntud din duen te kudà ne in-elibet din diyà te inged duma is layun din kebensag te, “Iyan heini ed-ul-ulahan diyà te etew he ebeǥayan te hadì te zengeg su nekepenunuat kandin.”

Ester 6:9

Ne iyan ipesun-ud nu kandin dutun te visti is sevaha zuen te lavew he menge upisyal nu, ne haazà sikandin, iyan daan egiya zutun te etew he ebeǥayan nu te zengeg su nekepenunuat kenikew he ed-untud te kudà he ed-elibet dutun te inged. Ne zuen daan ibpepempemensag te, ‘Iyan heini ed-ul-ulahan diyà te etew he ebeǥayan te hadì te zengeg su nekepenunuat kandin.’ ”

Salmo 31:24

Sikiyu is ebperateng te tavang te Nengazen, mebpekelig-en kew wey mebpekevurut.

Daniel 4:37

Umbe, ǥuntaan edeliǥen ku wey ebeǥayan ku te zengeg is hadì diyà te langit, su hustu wey metazeng is langun he menge vaal zin ne ibpekevavè din is minsan hentei he ebpelavew.”