Ester 5:4 - Manobo Western Bukidnon OT

⁴ Ne midtavak si Ester te, “Emun egkesuat ka, Mahal he Hadì, hendiyè kew kan ki Haman, su zuen in-andam ku he idlavung para keniyu.”

Ester 5:4 ပူးပေါင်းရင်းမြစ်များ

Genesis 27:25

Migkaǥi zutun si Isaac te, “Na, uwita nu en kayi heeyan is midhilutù nu he netuǥesan nu, ne emun ebpekekaan ad ne epenubtuvazan ku sikew.” Ne zutun imbeǥey ni Jacob haazà is egkeenen wey vinu, ne migkaan sikandin wey mid-inum.

Genesis 32:20

Ne mibpetizeenan din sikandan he kenè dan lipati he keǥiyi zan si Esau he edtundug en sikandin. Su neisip ni Jacob he, “Ebpeypeyuan ku si Esau kayi te menge igasa ku he ibpehuna ku. Su kela ke meked-ehè key ne ebpeseyluwen e zin ded.”

Ester 1:9

Dutun te kemulu is keemuran haazà is menge maama he menge visita, midhimu zaan te keemuran si Rayna Bashti para te menge vahi he zutun te turuǥan ni Hadì Ahasuerus.

Ester 5:3

Ne mid-insà haazà is hadì diyà te ki Ester te, “Hengkey is tuud nu, Rayna Ester? Keǥiya nu su ibeǥey ku kenikew, minsan ketengè pa kayi te ginhedian ku.”

Ester 5:5

Ne migkeǥiyan dutun te hadì is suluǥuen din te, “Ipeǥaangaan nu ipehengkayi si Haman su wey zey metuman is inhangyù ni Ester.” Umbe midhendiyà sikan is hadì wey si Haman te idlavung he in-andam ni Ester.

Ester 5:8

Emun tutuu he nekepenunuat a kenikew, wey kelipey nu is kebeǥey te ebuyuen ku, ne ed-umanan ku sikiyu ed-imbitara ki Haman te idlavung he id-andam ku keeselem para keniyu. Ne egkeǥiyen ku human is idhangyù ku kenikew.”

Salmo 112:5

Edtuvazan is etew he kelelaǥan, wey ibpesambey zin is duma, wey kenè din ibpeiseg is kegketiǥayun din pinaaǥi te limbung.

Erubasa 29:11

Is etew he tulebung kenè din egkeeǥen is pauk din, iyan, is etew he uluwanen egkeeǥen din mulà is kandin he pauk.