Ester 5:3 - Manobo Western Bukidnon OT

³ Ne mid-insà haazà is hadì diyà te ki Ester te, “Hengkey is tuud nu, Rayna Ester? Keǥiya nu su ibeǥey ku kenikew, minsan ketengè pa kayi te ginhedian ku.”

Ester 5:3 ပူးပေါင်းရင်းမြစ်များ

1 Hadì 2:20

Migkaǥi si Batsheba te, “Duen deisey he edhengyuen ku ziyà te kenikew. Ne ke egkehimu kenà a kenikew verawa.” Migkaǥi sikan is hadì, “Hengkey heeyan, Inà? Kenè ku sikew eberawen.”

1 Hadì 3:5

Ne kegkezukilem dutun, mibpeehà kandin is Nengazen pinaaǥi te teǥeinep. Migkaǥi is Megbevayà diyà te kandin te, “Buyù ka te minsan hengkey he egkesuatan nu su ibeǥey ku kenikew.”

Nehemias 2:4

Mid-insà haazà is hadì te, “Hengkey is egkesuatan nu?” Dutun mid-ampù a ziyà te Megbevayà diyà te langit,

Ester 5:4

Ne midtavak si Ester te, “Emun egkesuat ka, Mahal he Hadì, hendiyè kew kan ki Haman, su zuen in-andam ku he idlavung para keniyu.”

Ester 5:6

Ne hein ed-inum dan en te vinu, mid-uman en maan med-insà is hadì diyà te ki Ester te, “Hengkey ves iyan is kinahanglan nu? Keǥiya nu su ibeǥey ku kenikew, minsan ketengè pa kayi te ginhedian ku.”

Ester 7:2

Ne hein ed-inum dan en te vinu zutun te ikezuwa he kedlavung dan, mid-insè en maan sikan is hadì diyà te ki Rayna Ester, ke sikandin te, “Rayna Ester, hengkey is utew nu egkinehenglana? Keǥiya nu su ibeǥey ku kenikew minsan ketengè pa kayi te ginhedian ku.”

Ester 9:12

Ne migkaǥi sikan is hadì diyà te ki Rayna Ester te, “Kayi zà te Susa, 500 is midhimetayan te menge Judio gawas duen te sepulù he menge anak ni Haman he midhimetayan dan. Hengkey vuwa is mid-ulaula zan diyà te zuma he menge prubinsya kayi te ginhedian ku? Ne ǥuntaan, hengkey is edhengyuen nu? Is edhengyuen nu idtuǥut ku kenikew.”