Ester 5:14 - Manobo Western Bukidnon OT

¹⁴ Ne migkaǥi ziyà te kandin is esawa zin wey is menge emiǥu zin te, “Pevaal ka te vitayà he 75 he giek is ketikang din ne keeselem ke meselem hengyui nu sikan is hadì he isuǥù din he vitayà dutun si Mordecai, su wey ka mebmelipayen he ebpekiduma te hadì te kedlavung.” Ne utew ingkesuat ni Haman haazà, umbe mibpevaal sikandin te vitayà.

Ester 5:14 ပူးပေါင်းရင်းမြစ်များ

2 Samuel 16:21

Midtavak si Ahitofel te, “Hulizi nu is menge esawa te amey nu he intaǥak din he para ed-atur te turuǥan. Ne egketuenan te langun he menge Israilihanen he midhimu nu he mepauk is amey nu, ne tenged kayi utew ebpekevurut is menge sakup nu.”

1 Hadì 21:25

(Wazà etew he mibpeveyveyaan din is keugelingen din pinaaǥi te kebaal te mezaat diyà te etuvangan te Nengazen te iring kezaat te mibeelan ni Ahab, tenged te ked-iniyata kandin te esawa zin he si Jezebel.

1 Hadì 21:7

Migkaǥi si Jezebel te, “Kenè be hadì ka te Israel? Enew ka wey megkaan! Lipey ka su ibeǥey ku kenikew is pemuleey te paras ni Nabot he tig-Jezreel.”

Ester 6:4

Ne zutun he timpu iyan daan kebpekeuma ni Haman diyà te lama te turuǥan, su edhengyuan din kes hadì he ebitayen si Mordecai ziyà te impeveelan din he vitayà para ki Mordecai. Ne mid-insà kes hadì te, “Hentei heeyan is edhithitindeg keniyan te lama?”

Salmo 37:14

Edhulevuten te lalung he menge etew is ispada zan, wey edhingaten dan is panè dan, su edhimetayan dan is menge egkaayuayu wey menge pubri he midtinazeng.

Salmo 37:32

Is lalung he menge etew, ed-eyanan dan is menge metazeng, su egkesuatan dan te edhimatey.

Salmo 9:15

Nehitavù diyà te menge nasyun is mezaat he pelanu zan. Iring te iyan sikandan neulug diyà te vudsi he mibeelan dan, etawa iring te iyan sikandan nelitag te kandan he litag.

Erubasa 1:18

Ne iring kayi is tulebung he menge etew: ne iring dà te iyan dan edhimatey te lawa zan etawa iring dà te iyan dan ed-eyanan is keugelingen dan.

Erubasa 4:16

Su kenè dan ebpekelipezeng emun kenè dan pa ebpekevaal te mezaat etawa ebpekependelahig te zuma.