Ester 4:16 - Manobo Western Bukidnon OT

¹⁶ “Genat ka, ne tiǥuma nu is langun he menge Judio he kayi te Susa ne puasa kew para kediey. Kenè kew megkaan wey med-inum seled te tetelu he andew wey tetelu he kezukileman. Ebpuasa a zaan wey is menge suluǥuen ku he menge vahi. Ne emun egkepasad, ne edhendiyà a te hadì minsan pa te supak heini te kesuǥuan. Belaǥad ke himetayi a.”

Ester 4:16 ပူးပေါင်းရင်းမြစ်များ

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

Genesis 43:14

Berakat he pengelinteuwi te Mekeǥeǥehem he Megbevayà he mehizuwi kew zin su wey ituǥut din he mekeulì si Simeon wey si Benjamin. Ne siak, emun iyan imbanglis kediey he egkeewaan e pa te menge anak ku ne kinahanglan he ed-entusen ku.”

2 Samuel 10:12

Ebpekezesen kiw! Ebpekevurut kiw he ebpekidtebek para te menge keet-etawan tew wey te menge inged te Megbevayè tew. Su ebeelan te Nengazen ke hengkey is meupiya para kandin.”

2 Hadì 7:4

Emun edseled kiw ziyà te inged ne ebpatey kiw te kegkevitil, ne emun edtulung kiw zà ebpimpinuu kayi, ebpatey kiw ǥihapun. Umbe nasì kiw en edhendiyà te kampu te menge Aramihanen ne edsurindir kiw. Ne emun kenè kiw zan ebmenuwen, ne meupiya, piru emun edhimetayan kiw zan ne maambe en.”

2 Cronica 20:3

Utew nahandek si Jehoshafat, ne midangep sikandin diyà te Nengazen. Ne mibmandù sikandin he mebpuasa is langun he tig-Juda.

Ezra 8:21

Hein diyè key te veyvey te Wahig he Ahava, migkeǥiyan ku is menge zuma ku zutun te grupu zey te ebpuasa key wey ebpekevevaan dey is keugelingen dey ziyà te etuvangan te Megbevayè dey su edhangyù key ziyà te kandin he ventayi key zin dutun te hipenawan dey, ragkes is menge anak dey wey menge azen dey.

Ester 4:15

Ne impetudtul ni Ester ziyà te ki Mordecai is tavak din. Ke sikandin te,

Ester 4:17

Ne migenat si Mordecai ne midtuman din haazà is langun he mibpeveelan ni Ester.

Ester 4:3

Ne ziyà te kada prubinsya he neumahan dutun te suǥù te hadì, utew grabi is kedlalew te menge Judio zutun. Mibpuasa zan, nemenineǥew zan, wey nemenlelendag dan. Ne mahabet kandan is nemengukumbalà te saku wey midtelilid diyà te avu.

Ester 5:1

Ne hein iketelu en he andew, imbivisti ni Ester is bisti zin te kegkerayna, ne midhitindeg sikandin dutun te lama te turuǥan he egkesineruwan duen te pinuuwà te hadì. Dutun he timpu ebpimpinuu sikan is hadì diyà te pinuuwè din he edsinaru ziyà te ǥemawan.

Ester 9:31

ne insuǥù dutun te surat he silibraha zan is andew te Purim te hustu he timpu sumalà te insuǥù ni Mordecai he Judio, he iyan daan insuǥù ni Rayna Ester. Edsunuzen dan heini, iring te kedsaunuza zan wey te menge kevuwazan dan te menge sulunuzen mehitenged te kebpuasa wey kedlalew.

Isaias 22:12

Dutun he andew mid-umew kew te Nengazen he MEGBEVAYÀ he Mekeǥeǥehem su ibperuǥur kew zin wey ibpesineǥew. Migkeǥiyan kew zin he ipetuusi niw is kedlalew niw pinaaǥi te kepevangul niw wey kebivisti niw te saku.

Jeremias 36:9

Neulaula heini hein andew te kebpuasa zuen te ikesiyam he vulan te ikelima he tuig te kedhadì ni Jehoyakim diyà te Juda, he anak ni Josia. Dutun midtiǥum diyà te valey te Nengazen is menge meǥinged diyà te Jerusalem wey ziyà te menge inged diyà te Juda.

Daniel 2:18

Migkeǥiyan sikandan ni Daniel he mebpengemuyù dan su para mehizuwi sikandan te Megbevayà diyà te langit ne metueni zan is kehuluǥan duen te teǥeinep te hadì, su para kenà sikandan mehimetayi duma te zuma he uluwanen he menge etew ziyà te Babilonia.

Josue 24:15

Iyan, emun kenè niw igkelipey is kebpenilbi te Nengazen, pilì kew ǥuntaan he andew ke hentei is edsilbiyan niw. Iyan be is menge ed-ezapen he midsilbiyan te menge kepuun niw ziyà layun te Wahig he Eufrates, etawa iyan is menge ed-ezapen te menge Amorihanen he mid-ubpaan niw ǥuntaan is tanè dan. Piru siak mulà wey is pemilya ku, Nengazen is kenami he edsilbiyan.”

1 Samuel 19:5

Imbelavag din is untung din te kedhimetayi zin duen te Filistihanen he si Goliat, ne impezaag te Nengazen is tivuuk he Israel. Neehè nu heini ne utew ka nesuat. Ne maan is edhimetayan nu is sevaha he etew he wazà peleng he etew iring ki David te wazè nu zuen ibpuun?”