Ester 4:14 - Manobo Western Bukidnon OT

¹⁴ Su minsan ebpeeemew ke en kayi te mereǥen he timpu, zuen selakew en he ed-uǥup wey edlibri te menge Judio, piru sikew wey is pemilya nu egkekeizan mulà. Kela ke iyan ingkehimuwa kenikew he rayna su wey ka meketavang te zuma nu he menge Judio te timpu he iring kayi.”

Ester 4:14 ပူးပေါင်းရင်းမြစ်များ

Genesis 22:14

Migngezanan ni Abraham haazà te, “Iyan Ebeǥey is Nengazen.” Ne zuen pa erubasa ǥuntaan he edhenduen te, “Diyà te Buvungan te Nengazen egkeveǥayan kiw te tavang.”

2 Hadì 13:5

Mibeǥayan sikandan te pengulu he ebpekepeǥawas kandan puun te kedluplupiǥa kandan te menge tig-Aram. Umbe mid-uman mebmelinew is kebpekesavuk te menge Israilihanen iring duen te nehuna.

2 Hadì 19:3

Ne hein nekeuma zan diyà te ki Isaias, migkaǥi sikandan diyà te kandin te, “Iyan heini egkeǥiyen ni Hezekia: ‘Menge andew heini te zekelà he samuk! Edsilutan kiw wey ebpeel-elezan. Iring kiw te vahi he ed-anak he wazè din en desen te ked-ineǥed para ilusad is anak din.

Ezra 9:9

Minsan menge uripen key, ne wazè key kenikew vey-ani zutun he kebpekesavuk, kekenà, ibpeehè nu kenami is gaǥew nu pinaaǥi te kebpurungi kenami te hadì te Persia. Mibeelan nu heini su wey key kenikew meveǥayi te veǥu he untung, ne wey zey meuman mevangun is nerundus he valey nu, ne wey key kenikew mepengelangi kayi te Juda wey Jerusalem.

Nehemias 6:11

Piru midtavak a te, “Gubirnedur a; ne kenè ku egkehimu is ked-eles diyà te valey te Nengazen su wey a kenà mebpatey. Kenà a ed-eles!”

Ester 2:15

Hein ikesepulù he vulan, he iyan kes Tebet, dutun te ikepitu he tuig te kedhadì ni Ahasuerus, ne neuma is penahun te kedhendiyà ni Ester te hedì diyà te turuǥan. Midtuman ni Ester is sambag kandin ni Hegai, kes sineriǥan duen te hadì he ed-elima zuen te menge vahi zutun te turuǥan. Is migkaǥi kandin ni Hegai he ibpevivisti kandin te ebpehendiyà te hadì ne iyan din imbivisti, ne utew sikandin nezeliǥi te langun he nekaahà kandin.

Ester 2:17

Utew nesuati te hadì si Ester lavew zuen te langun he menge vahi he mid-uwit diyà te kandin. Utew zin nesuati sikandin, mibpurungan din utew sikandin. Migkurunahan din sikandin ne midhimu he rayna ilis ki Bashti.

Ester 2:7

Duen id-aǥew ni Mordecai he utew mezagwey wey mekempet he ed-ahaan is lawa zin. Iyan ngazan din si Hadasa ne egngezanan daan te Ester. Ne hein minatey en is ginikanan ni Ester, mid-elimahan sikandin ni Mordecai ne mid-isip din sikandin he hustu en he anak din.

Ester 4:13

iyan heini tavak din he impetudtul zin diyà te ki Ester: “Kenè nu kun isipa he iyan ke zà ebpekelingkawas te egkehitavù diyà te langun he menge Judio tenged te ziyè ka ed-ubpà te turuǥan te hadì.

Ester 4:15

Ne impetudtul ni Ester ziyà te ki Mordecai is tavak din. Ke sikandin te,

Job 9:18

Henduen be te kenè e zin en ibpeǥeǥehinawa te menge mesakit he ibpaantus din kedì.

Megwewali 3:7

duen timpu te kebindas wey timpu zaan te kedapi, duen timpu te kebpereremek wey timpu zaan te kegkaǥi,

Isaias 49:23

Ebpenilbi kenikew is menge hadì wey menge rayna. Iyan sikandan ed-atur kenikew. Edluhud sikandan is edtahud kenikew, ne ebpesakup dan kenikew. Ne zutun egketuenan nu he iyan a Nengazen, ne is edsarig kediey ne kenà egkepakyas.”

Isaias 54:17

Is kada ǥumaan he mibeelan su igkuntra kenikew ne kenà ebpekekaid kenikew, ne egketavak nu is menge ibpesangil kenikew. Is egkepengevilin te menge suluǥuen ku, iyan is kezeeǥan duma is ketazeng. Iyan a, is Nengazen, is migkaǥi kayi.”

Jeremias 30:11

Su zuma a keniyu ne edlibriyen ku sikiyu. Ebpurungan ku edezeeti is menge nasyun he zutun kew ipeyapat. Piru kenè ku mulà heini ed-ul-uluhan diyà te keniyu. Piru kenà heini ebpesavut he kenè ku sikiyu edsilutan. Ebmensuwen ku sikiyu te hustu he paaǥi.”

Jeremias 46:28

Umbe, kenè kew en egkahandek, is menge kevuwazan te suluǥuen ku he si Jacob, su zuma a keniyu. Ebpurungan ku edezeeti is langun he menge nasyun he zutun ku sikiyu ipeyapat, piru kenè ku mulà sikiyu ebpurungan edezeeti. Ebmensuwen ku sikiyu, sumalà is ereg keniyu. Kenà egkehimu he kenè ku sikiyu edsilutan. Iyan a, is Nengazen, is migkaǥi kayi.”

Leviticus 26:42

edtumanen ku is kebpekid-uyun ku te menge kepuun niw he si Abraham, si Isaac, wey si Jacob ne idlikù ku sikiyu ziyà te tanè niw.

Deuteronomio 32:36

Edhukum is Nengazen he edlavan te menge etew zin; egkehizuwan din sikandan is menge suluǥuen din, emun egkeehè din he wazè dan en desen wey zeisey zà is egkesamà kandan, uripen man etawa kenà uripen.

Zatù 15:6

Mid-insà is menge Filistihanen ke hentei is mibaal zutun, ne netuenan dan he iyan si Samson. Ne netuenan dan daan he iyan imbeeli zutun ni Samson su geina te impeesawa te enuǥang ni Samson he tig-Timnah is esawa ni Samson duen te avey ni Samson. Umbe mibpen-ehè dan sikan is bahi wey is amey zin ne mibinsulan dan.

1 Samuel 12:22

Kenè kew ed-iniyuǥan te Nengazen, su kenè din egkesuatan he mepeel-elezi is ngazan din. Wey ingkelipey zin utew is kegkehimuwa zin keniyu he menge sakup din.

1 Samuel 17:29

Midtavak si David te, “Hengkey ves daan is mibeelan ku? Mid-insè e zè man!”