Ester 3:7 - Manobo Western Bukidnon OT

⁷ Duen te nehuna he vulan, he iyan kes bulan he Nisan, te ike-12 he tuig te kedhadì ni Ahasuerus, insuǥù ni Haman he edripahan is kedtendùa te andew wey vulan te kedtumana te menge pelanu zin. (Is migamit dan te keripa ne egngezanan te “pur.”) Ne iyan neripahan is ike-13 he andew te ike-12 he vulan, he iyan kes bulan te Adar.

Ester 3:7 ပူးပေါင်းရင်းမြစ်များ

Ezra 4:6

Hein mibpuun medhadì si Ahasuerus, is menge kuntada te menge meǥinged diyà te Juda wey Jerusalem midsurat te menge sumbung dan kuntra kayi he menge meǥinged.

Ezra 6:15

Nepasad sikan is baley te Megbevayà hein iketelu he andew te ike-12 he vulan, he iyan kes bulan he Adar, dutun te ikeenem he tuig te kedhadì ni Darius.

Nehemias 2:1

Hein nehuna he vulan, he iyan is bulan he Nisan, dutun te ike-20 he tuig te kedhadì ni Artaserkses, midsilbiyan ku te vinu haazà is hadì. Iyan pa haazà timpu he neehè e zin is egkeseeng.

Ester 1:3

Ne hein iketelu en he tuig te kedhadì din, midhimu sikandin te zekelà he keemuran para te menge upisyal zin, wey te zuma pa he ebpenilbi kandin. Midtelavuk daan is menge pengulu te sundaru zutun te Persia wey Media, ne elin daan midtelavuk is dungganen he menge etew wey is menge upisyal ziyà te menge prubinsya.

Ester 9:1

Ne neume en is ike-13 he andew te ike-12 he vulan he iyan kes bulan he Adar. Iyan en heini andew te kedtumana zuen te suǥù te hadì. Ne zutun he andew kunaan te menge etew he kuntada te menge Judio ke iyan dan ebpekezaag. Iyan, neveriyung su iyan dan nezaag te menge Judio.

Ester 9:21

Kayi he surat, migkeǥiyan ni Mordecai is menge Judio he silibraha zan kada tuig is ike-14 wey is ike-15 he andew te vulan he Adar,

Ester 9:5

Ne mibpenhimetayan te menge Judio is langun he kuntada zan pinaaǥi te ispada. Midhimu zan is minsan hengkey he egkesuatan dan te ed-ulaula ziyà te menge etew he ebpesipala kandan.

Erubasa 16:33

Ebarà is etew su wey zin metueni is dait he ed-ul-ulahan din piru iyan is Nengazen ebpuunan te minsan hengkey he penurù he zait he ed-ul-ulahan.