Ester 3:2 - Manobo Western Bukidnon OT

² Insuǥù te hadì he is langun he upisyal, edluhud diyà te ki Haman he iyan kedtehuza kandin. Piru si Mordecai wazà mulà medluhud te kedtahud kandin.

Ester 3:2 ပူးပေါင်းရင်းမြစ်များ

Genesis 41:43

Ne insuǥù din he ibpeuntud si Jose te ikezuwa he lavew he kerwahi zin, ne insuǥù din daan he zuen menge etew he edhuna ki Jose wey zan mekevensag te, “Luhud kew!” Ne iyan haazà neulaula hein insarig duen te hadì te Ehipto ki Jose is kebayàbayà te tivuuk he ǥinhedian din he Ehipto.

Ester 2:19

Ne hein ikezuwa he kedtiǥum te menge raǥa, ne si Mordecai, sevehe en he upisyal ziyà te turuǥan.

Ester 2:21

Ne zutun te timpu he upisyal en si Mordecai ziyà te turuǥan, utew nepauk is dezuwa he upisyal te hadì he si Bigtana wey si Teresh he iyan bantey te ǥemawan te ruǥu te hadì. Iyan netaǥù diyà te isip dan is edhimetayan dan sikan is hadì.

Ester 2:5

Ne zutun te miberengbeng he inged diyà te Susa, ne zuen Judio he kevuwazan ni Benjamin he iyan ngazan din si Mordecai. Anak sikandin ni Jair he anak ni Shimei te anak ni Kish.

Ester 3:1

Ne liwas te kegkeul-ulaha kayi, impeuswag ni Hadì Ahasuerus is ketengdanan ni Haman he anak ni Hamedata te kevuwazan ni Agag. Midhimu zin sikandin he pinekelavew he upisyal te ginhedian din.

Ester 3:3

Ne mid-insà diyà te kandin sikan is duma he menge upisyal, ke si kandan te, “Maan is kenè nu edtumanen is insuǥù te hadì?”

Ester 3:5

Ne hein netuenan ni Haman he kenà edluhud si Mordecai te kedtahud kandin, utew sikandin nepauk.

Ester 5:9

Ne zutun he andew melipayen si Haman he migawas dutun te turuǥan. Piru hein neehè din si Mordecai ziyà te pultahan te hadì he wazà mebpaahà te kedtahud kandin, ne utew sikandin nepauk.

Salmo 15:4

Ed-isipen din he wazà pulus te menge etew he kenè ku edewaten, iyan ebentuǥen din mulà is menge etew he edtahud kediey. Edtumanen din is pesarig din minsan pa ke egkereǥenan sikandin te kedtumana kayi.

Exodus 17:14

Ne migkaǥi is Nengazen diyà te ki Moises te, “Isurat nu heini zuen te libru para kenà heini melipati ne ipehibelu nu heini ki Josue: Edezeetan ku is menge Amalikanhen.”

Exodus 17:16

Ke sikandin te, “Tenged te impaahà te menge Amalikanhen is kedsukul zan te Nengazen, ne kenà ed-engkezan te Nengazen te edtebek is menge Amalikanhen taman te taman.”

Daniel 2:49

Midhangyù ni Daniel zuen te hadì he himuwa zin si Shadrac, si Meshac, wey si Abednego he menge timbang din te kedumala te prubinsya he Babilonia. Ne midtuǥut haazà is hadì. Ne si Daniel wazà mulà med-awà diyà te turuǥan te hadì.

Deuteronomio 25:19

Umbe, dèdeeti niw is menge Amalikanhen emun ibpehimeley kew en te Nengazen he Megbevayè niw su egkezaag niw en is langun he menge kuntada niw zuen te tanà he ibeǥey zin keniyu su wey niw maangken. Ne kenè niw heini lipati.

1 Samuel 15:3

Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”