Ester 3:13 - Manobo Western Bukidnon OT

¹³ Heini he surat ne ibpeuwit diyà te langun he menge prubinsya zutun te ginhedian pinaaǥi te menge menunudtulà. Iyan taǥù kayi he surat is kebmandù he ebpenhimetayan is langun he menge Judio seled te senge andew zà, betan-en etawa meǥurang, ragkes is menge vahi wey menge vatà, ne egkuwaan is langun he menge azen dan. Edhimuwen heini zutun te ike-13 he andew te ike-12 he vulan, he iyan is bulan he Adar.

Ester 3:13 ပူးပေါင်းရင်းမြစ်များ

2 Cronica 30:6

Tenged te mandù te hadì, midhipanew te menge menunudtulà is tivuuk he Israel wey Juda he uwiten dan is menge surat he ebpuun te hadì wey ziyà te menge upisyal zin. Iyan heini egkeǥiyen dutun te surat: “Menge etew te Israel, guntaan te nelibri kew en puun te gehem te menge hadì te Asiria, iyan en guntaan timpu he edlikù kew ziyà te Nengazen, he Megbevayà te menge kepuun niw he si Abraham, si Isaac, wey si Jacob, su wey kew zin daan likui.

Ester 7:4

Su zuen suhul he ibeǥey ziyà te minsan hentei he egerà kenami. Emun imbelegyà key zà su wey key mehimu he menge uripen, kenè ku en sikew edsemuken su kenè en haazà ereg he idsamuk kenikew.”

Ester 8:5

Migkaǥi si Ester te, “Emun tutuu he ebpurungan a kenikew, Mahal he Hadì, wey nekepenunuat a kenikew, wey ke hustu ziyà te kenikew: Pevaal ka te velaud he kenè en edleusen edtumana sikan is suǥù ni Haman he anak ni Hamedata he kevuwazan ni Agag. Heini he suǥù impesurat ni Haman, ne egkaǥi te ebpuawen is langun he menge Judio ziyà te minsan hendei he prubinsya he sakup te ginhedian nu.

Ester 9:1

Ne neume en is ike-13 he andew te ike-12 he vulan he iyan kes bulan he Adar. Iyan en heini andew te kedtumana zuen te suǥù te hadì. Ne zutun he andew kunaan te menge etew he kuntada te menge Judio ke iyan dan ebpekezaag. Iyan, neveriyung su iyan dan nezaag te menge Judio.

Ester 9:10

Ne heini sikandan is sepulù ne pudu menge anak ni Haman te anak ni Hamedata, he kuntada te menge Judio. Iyan, wazà tevana te menge Judio is menge azen te menge kuntada zan.

Ester 9:5

Ne mibpenhimetayan te menge Judio is langun he kuntada zan pinaaǥi te ispada. Midhimu zan is minsan hengkey he egkesuatan dan te ed-ulaula ziyà te menge etew he ebpesipala kandan.

Job 9:25

“Utew meǥaan he ebpenlavey is menge andew te untung ku; henduen be te edhuna pa he meǥaan te ebpekidlumbà. Nenlavey heini zuma te kegkeseeng.

Isaias 10:6

Edsuǥuen ku is menge tig-Asiria te kedsurung te egkeepesan ku he nasyun. Heini is nasyun, kenà sikandan edsunud kedì te Megbevayè dan. Heini sikandan, edezeetan ku iring te vasak diyà te kersada he edtekutakan, wey mepenguwa te menge tig-Asiria is langun he menge azen dan.”

Jeremias 51:31

Ebpekedtutundug is menge menunudtulà te kegkaǥi ziyà te hadì te Babilonia he is tivuuk he inged din, naaǥew en.

1 Samuel 15:3

Umbe ǥuntaan, surunga niw is Amalikanhen! Dezeeti niw is langun he zutun te kandan. Penhimetayi is menge maama zan, menge vahi, menge vatà, minsan is edsusu pa, apil is menge vaka, kerehidu, kemilyu, wey asnu.’ ”

1 Samuel 22:19

Mibpenhimetayan daan ni Saul is langun he mid-ubpà diyà te Nob, kes inged te menge memumuhat: menge maama, menge vahi, menge vatà, wey is kemulu pa edsusu, apil is menge vaka, asnu, wey menge kerehidu.