Ester 3:12 - Manobo Western Bukidnon OT

¹² Umbe hein ike-13 he andew te nehuna he vulan, impetawag ni Haman is menge sikritaryu te hadì. Ne impesurat kandan is ibpeuwit diyà te menge gubirnedur, he menge pengulu wey upisyal ziyà te kada prubinsya te ginhedian din wey te menge kineǥiyan te menge meǥinged dutun. Midhimu zan heini is surat pinaaǥi te ngazan ni Hadì Ahasuerus, ne mibmerkahan duen te sising din.

Ester 3:12 ပူးပေါင်းရင်းမြစ်များ

1 Hadì 21:8

Umbe, midsurat si Jezebel pinaaǥi te ngazan ni Ahab, ne midtetakan din heini te tatak te hadì, ne impeuwit din diyà te ebpemendumala wey zuma pa he menge upisyal te inged he ed-ubpaan ni Nabot.

Ezra 8:36

Imbeǥey zan daan diyà te menge gubirnedur wey menge upisyal te prubinsya zini layun te Eufrates is dukumintu he midsuratan te mandù te hadì. Heini he menge pengulu mid-uǥup te menge etew te Israel wey te vuluhaten diyà te valey te Megbevayà.

Ester 1:22

Mibpesuratan din is langun he menge etew ziyà te minsan hendei he prubinsya he neseled te ginhedian din, ne iyan migamit is keugelingen dan he menge kineǥiyan. Ne is taǥù dutun te surat iyan is: kada maama iyan mebpengulu wey mebayàbayà te pemilya zin.

Ester 3:11

Ne migkaǥi haazà is hadì te, “Minsan kenè ke en ebeǥey te selapì. Egkehimu he ed-ul-ulahan nu is egkesuatan nu te ed-ulaula ziyà te menge Judio.”

Ester 8:2

Ne zutun te kebpeetuvengè dan, mibpul-ut duen te hadì sikan is sising he para idtuus he midhawì din diyà te ki Haman, ne imbeǥey zin diyà te ki Mordecai. Ne si Ester, imbeǥey zin diyà te ki Mordecai is keǥehem te kebayàbayà te langun he azen ni Haman.

Ester 9:27

neuyun is menge Judio he edsilibrahan dan haazà is dezuwa he andew kada tuig, pinaaǥi te paaǥi he nekaǥi ni Mordecai. Ne heini, impesilibra zan daan te menge kevuwazan dan wey te langun he nehimu he Judio.

Daniel 3:10

Kenè be mibmandù ka he is minsan hentei he ebpekezineg te zaǥing te menge instrumintu kinahanglan he medluhud te ked-azap duen te ledawan he vulawan,

Daniel 6:12

Umbe, midhendiyà sikandan te hadì su edtudtulen dan is kedsupak ni Daniel zuen te kesuǥuan. Migkeǥiyan dan haazà is hadì te, “Mahal he Hadì, kenè be mibpirma ka te velaud he seled te 30 he andew kinahanglan he wazà ed-ampù diyà te minsan hentei he ed-ezapen etawa etew, kekenà, diyè dà te kenikew? Ne minsan hentei is edsupak dutun, ne id-ulug diyà te vudsi he zuen duen menge erimaung?” Ne midtavak haazà is hadì te, “Benar heeyan, ne sumalà is kesuǥuan kayi te ginhedian tew he Media wey Persia, ne kenè en heeyan egkehimu he edhelinen etawa ed-ewaan.”

Daniel 6:15

Ne mid-uman medtiǥum sikan is menge upisyal te hadì, ne ke sikandan te, “Mahal he Hadì, netuenan nu, he sumalà te kesuǥuan kayi te ginhedian tew he Media wey Persia, is belaud he edhimuwen te hadì ne kenè en egkehimu he edhelinen.”

Daniel 6:25

Ne mibpesuratan ni Hadì Darius is langun he menge etew ziyà te nekedseselekawà he menge nasyun, menge kepuun, wey menge kineǥiyan kayi te kelibutan. Ne iyan heini insurat din: “Berakat he meupiya is kebpekesavuk niw.

Daniel 6:8

Umbe, Mahal he Hadì, ibpetuman heini he suǥù. Ipesurat nu en heini ne segugunè nu pirmahi su para kenè en mahalin wey kenè en meveyveyani; iiring nu te kesuǥuan te ginhedian te Media wey Persia he kinahanglan utew he edtumanen.”