Ester 3:11 - Manobo Western Bukidnon OT

¹¹ Ne migkaǥi haazà is hadì te, “Minsan kenè ke en ebeǥey te selapì. Egkehimu he ed-ul-ulahan nu is egkesuatan nu te ed-ulaula ziyà te menge Judio.”

Ester 3:11 ပူးပေါင်းရင်းမြစ်များ

Ester 3:10

Ne migkuwa zutun te hadì is sising din he ibpenmarka ne imbeǥey zin heini ki Haman he kuntada te menged Judio, he anak ni Hamedata he kevuwazan ni Agag.

Ester 3:12

Umbe hein ike-13 he andew te nehuna he vulan, impetawag ni Haman is menge sikritaryu te hadì. Ne impesurat kandan is ibpeuwit diyà te menge gubirnedur, he menge pengulu wey upisyal ziyà te kada prubinsya te ginhedian din wey te menge kineǥiyan te menge meǥinged dutun. Midhimu zan heini is surat pinaaǥi te ngazan ni Hadì Ahasuerus, ne mibmerkahan duen te sising din.

Salmo 73:7

Is menge ǥehinawa zan nepenù en te kelelalung, ne iyan dan dà layun egkeisip is kebaal te mezaat.

Jeremias 26:14

Ne bahin kedì, ne wazè ku egkehimu. Beeli niw kayi te kedì ke hengkey is meupiya wey hustu para keniyu.

Jeremias 40:4

Piru ǥuntaan, ebengkasen ku is ingkedina kenikew ne ibpaawè ku sikew. Emun egkesuat ka, ne zuma ka kedì diyà te Babilonia su ed-etimanen ku sikew. Piru emun kenè ka, ne kenà heini ibmezaat te gehinawa ku. Ahàa nu is tivuuk he lugar; ne vayàbayà ke en ke hendei ka ebpevayà.