Ester 3:1 - Manobo Western Bukidnon OT

¹ Ne liwas te kegkeul-ulaha kayi, impeuswag ni Hadì Ahasuerus is ketengdanan ni Haman he anak ni Hamedata te kevuwazan ni Agag. Midhimu zin sikandin he pinekelavew he upisyal te ginhedian din.

Ester 3:1 ပူးပေါင်းရင်းမြစ်များ

Genesis 41:40

Edhimuwen ku sikew he iyan ebayàbayà te turuǥan ku ne kinahanglan he ebpevayàbayà kenikew is minsan hentei he sakup ku. Iyan e zà lavew kenikew su iyan a hadì.”

Genesis 41:55

Ne hein neǥezam en te langun he menge tig-Ehipto is bitil midhengyuan dan is hadì dan he veǥayi sikandan te egkeenen. Ne migkeǥiyan din sikandan te, “Hendiyè kew te ki Jose ne veeli niw is egkeǥiyen din.”

Ezra 7:14

Siak wey is pitu he menge sumesambag ku, edsuǥuen dey sikew he susiya nu is nengehitavù diyà te Juda wey Jerusalem ke edsunuzen be te menge etew kayi is Kesuǥuan te Megbevayè nu, he nepurungan nu metueni.

Ester 1:14

Ne iyan heini menge ngazan dutun te menge memetau he sumesambag: si Carshena, si Shetar, si Admata, si Tarshish, si Meres, si Marsena, wey si Memucan. Heini sikandan is pitu he lavew he menge upisyal zutun te Media wey Persia. Emiǥu sikandan dutun te hadì wey lavew is ketengdanan dan dutun te ginhedian.

Ester 3:10

Ne migkuwa zutun te hadì is sising din he ibpenmarka ne imbeǥey zin heini ki Haman he kuntada te menged Judio, he anak ni Hamedata he kevuwazan ni Agag.

Ester 5:11

Ne mibpehembuǥan din sikandan te kesesepian din, kahabet te menge anak din, wey te langun he kaaǥi te kebpeuswaǥa kandin duen te hadì, ne lavew en is kegkehimuwa kandin he kinelevawan te langun he menge upisyal te hadì.

Ester 7:6

Ne midtavak si Ester te, “Iyan en heini is lalung he Haman; iyan sikandin utew zey kuntada.” Ne neheratan utew si Haman dutun te etuvangan te hadì wey rayna.

Ester 8:3

Ne mid-uman en maan si Ester medhangyù dutun te hadì te meheǥet he kedhangyù su midlangkeb en sikandin diyà te uvey te paa zutun te hadì is edsineǥew. Midhangyù sikandin he kenè en edleusen is mezaat he pelanu ni Haman he kevuwazan ni Agag, he idezaat din te menge Judio.

Salmo 12:8

Su nekeelingkus kenami is lalung he menge etew ne edeliǥen pa te kezekelan is kelelalung dan.

Erubasa 29:2

Emun metazeng is pengulu, egkelipey is menge etew, iyan, emun lalung is egkehimu he pengulu, egkengeseeng is menge etew.

Megwewali 10:6

Is menge tulebung ebeǥayan dan te metikang he keǥehem, piru is menge sepian mulà ebeǥayan te mevavà he keǥehem.

Daniel 6:2

Heini he menge gubirnedur, ne iyan edlitu edumala kandan is tetelu he administradur, ne is sevaha kandan ne iyan si Daniel. Mibeelan heini su para kenà mereǥeni haazà is hadì te kedumala.

Numero 24:7

Edrepey is wahig diyà te teleǥuey zan, ne ebpemula zan te menge lisu ziyà te menge tanà he wehiǥen. Is menge hadì dan egkehimu he edhuna pa he gehemanen kenà ki Agag he hadì te menge Amalikanhen. Ne egkevantug is ginhedian dan.

1 Samuel 15:33

Ne zutun migkaǥi si Samuel te, “Guntaan utew mezakel is menge iney he neewaan te menge anak tenged te kebpemenhimatey nu, edhimetayan ku sikew su wey meewai is iney nu zaan te anak.” Ne zutun midhimetayan ni Samuel si Agag diyà te etuvangan te Nengazen diyà te Gilgal.

1 Samuel 15:8

Nengepatey zan is langun he menge Amalikanhen, gawas ki Agag he hadì. Wazè dan mulà himetayi piru mibihag dan dà. Wazè dan daan penhimetayi is kerehidu he meupiya is lawa zin wey is menge vaka, minsan is menge nati. Is langun he meupiya ne wazè dan himetayi, iyan dan dà midhimetayan kes kanà memeupiya wey kenè en egkepulusan.