Ester 2:18 - Manobo Western Bukidnon OT

¹⁸ Ne midtukud te zekelà he keemuran haazà is hadì su ibpehivantug din si Ester. Mid-imbita zin is langun he menge upisyal zin wey is duma pa he ebpemenilbi kandin. Midhimu zutun te hadì he mahal haazà he andew seled te tivuuk he ginhedian din. Ne mahalen he menge azen is impemeǥey zin diyà te menge etew.

Ester 2:18 ပူးပေါင်းရင်းမြစ်များ

Genesis 29:22

Mid-uyun dutun si Laban, umbe midtukud sikandin te keemuran ne mid-imbita zin is langun he menge meǥinged dutun.

Nehemias 8:11

Ne migkaǥi pa is menge Levihanen te, “Kenè kew ǥurub! Kenè kew lalew! Su segradu heini he andew.”

Ester 1:7

Mid-inum is menge visita ne migamit is menge inumà he vulawan he nekedseselekawà te zayandayan. Impevayèbayè en sikandan te hadì te menge mahalen he vinu. Midsuǥù is hadì te menge suluǥuen he iyan en ibpevayàbayà is menge visita.

Ester 9:22

su iyan heini kes menge andew he zutun nelibri zan puun te gehem te menge kuntada zan. Su iyan kes bulan he zutun neilisan te kelipey is kegkeseeng dan wey neilisan te andew te kedlipeylipey kes andew pezem te kedlalew zan. Ne migkeǥiyan dan en maan ni Mordecai zutun te surat he silibraha zan heini pinaaǥi te pista zuma is kedlipeylipey, wey mebpeteltelewizè dan te gasa, ne veǥayi zan is menge egkengeayuayu.

Solomon 3:11

Gawas kew en is menge vahi te Jerusalem, ne ahàa niw si Hadì Solomon is midseluub te kuruna. Ingkuruna heini kandin te iney zin dutun te andew he utew sikandin melipayen, he iyan kes andew te eseweey zin.

Solomon 5:1

Midseled a ziyà te pemuleey ku, pelanggè ku he minahal. Mid-amur-amur ku is mira ku wey menge pehemut ku. Migkaan a te teneb ku wey mid-inum a te vinu ku wey ǥatas ku. Sikiyu is mibminahalà, megkaan kew wey med-inum.

1 Samuel 25:8

Insai nu sikandan ne edtudtulan ke zan. Guntaan, edhangyù a he purungi nu heeyan is menge sakup ku, pista man guntaan. Isipa a kenikew he anak wey menge suluǥuen ku he suluǥuen nu; beǥayi key te egkesuatan nu he ibeǥey nu kenami.”