Ester 2:17 - Manobo Western Bukidnon OT

¹⁷ Utew nesuati te hadì si Ester lavew zuen te langun he menge vahi he mid-uwit diyà te kandin. Utew zin nesuati sikandin, mibpurungan din utew sikandin. Migkurunahan din sikandin ne midhimu he rayna ilis ki Bashti.

Ester 2:17 ပူးပေါင်းရင်းမြစ်များ

Ester 1:11

he zumaha zan diyà te kandin si Rayna Bashti he midsun-uzan is ulu zin te kuruna su wey maahà te menge upisyal zin wey te langun he menge visita zin is kempet din, su si Bashti, utew mekempet he vahi.

Ester 4:14

Su minsan ebpeeemew ke en kayi te mereǥen he timpu, zuen selakew en he ed-uǥup wey edlibri te menge Judio, piru sikew wey is pemilya nu egkekeizan mulà. Kela ke iyan ingkehimuwa kenikew he rayna su wey ka meketavang te zuma nu he menge Judio te timpu he iring kayi.”

Ester 6:8

Ipevistiyi nu sikandin te visti nu he neǥamit nu en, wey ipeuntud nu sikandin te kudà he neuntuzan nu en, ne haazà is kudà ne zuen tuus nu te hadì diyà te ulu zin.

Erubasa 21:1

Is isip te menge hadì ne iring te wahig he iyan ebayàbayà is Nengazen te kedtudè din. Iyan ebayàbayà kayi sikandin sumalà te egkesuatan din.

Ezekiel 17:24

Ne egketuenan te langun he menge kayu kayi te tanà he iyan a is Nengazen edtamped te metawis he menge kayu wey ebpeketawis te mevavà he menge kayu. Iyan a zaan egangu te merapung he menge kayu wey ed-uman ebpetuvù te neǥangu he menge kayu. Iyan a, is Nengazen, midsaad kayi ne edtumanen ku heini.”

1 Samuel 2:8

Ed-enawen din is menge pubri zutun te utew zan kegkeayuayu. Ibpepinuu zin sikandan duma te menge metikang is pid-etawan dan ne edhimuwen din he telehuzen. Iyan sikandin teǥiǥaked te pundasyun ne zutun din isavuk is kelibutan.