Ester 2:15 - Manobo Western Bukidnon OT

^15-16 Hein ikesepulù he vulan, he iyan kes Tebet, dutun te ikepitu he tuig te kedhadì ni Ahasuerus, ne neuma is penahun te kedhendiyà ni Ester te hedì diyà te turuǥan. Midtuman ni Ester is sambag kandin ni Hegai, kes sineriǥan duen te hadì he ed-elima zuen te menge vahi zutun te turuǥan. Is migkaǥi kandin ni Hegai he ibpevivisti kandin te ebpehendiyà te hadì ne iyan din imbivisti, ne utew sikandin nezeliǥi te langun he nekaahà kandin.

Ester 2:15 ပူးပေါင်းရင်းမြစ်များ

Ester 2:14

Is kada sevaha kandan kinahanglan he mezukilem is kedhendiyè din te hadì ne kegkemeselem dutun ibpeulì sikandin, diyà te turuǥan he mibpeubpaan te menge esawa te hadì. Ne zutun sikandin ed-elimahi te sevaha he kapun he sineriǥan he si Shaashgaz. Si Shaashgaz, insarig kandin dutun te hadì is ked-elima te menge esawa zin. Ne haazà is bahi, kenè en ibpelikù dutun te hadì gawas ke nesuatan sikandin dutun te hadì su ibpetawag din man sikandin.

Ester 2:3

Pilì ka te menge upisyal ziyà te kada prubinsya he sakup te ginhedian nu para ebpekepen-ahà te mekempet he menge raǥa wey ed-uwit kandan diyà te ebpeubpaan te menge vahi kayì te miberengbeng he inged te Susa. Ipaatur nu is menge raǥa ki Hegai he upisyal nu he midseriǥan nu te ked-atur te menge vahi ziyà te turuǥan. Ne iyan en sikandin metau he ebeǥey te menge kinehenglanen dan para mebmekempet dan.

Ester 8:1

Dutun daan he timpu, imbeǥey ni Hadì Ahasuerus diyà te ki Rayna Ester is keǥehem te kebayàbayà te langun he azen ni Haman te kuntada te menge Judio. Ne midtudtul ni Ester is kedepitè dan ki Mordecai, umbe mibpesuǥuan dutun te hadì si Mordecai su wey zan meked-etuvang.

Ester 9:29

Para melig-eni sikan is surat mehitenged te Purim, midsurat daan si Rayna Ester, he anak ni Abihail, wey si Mordecai mehitenged kayi he sulunuzen.

Erubasa 15:33

Is kedtehuza te Nengazen iyan ebpekepenurù kenita wey ki mebmetau, ne kenè ki egkezeliǥan emun ebpelavew ki.

Solomon 6:9

ne sevaha zà is pelanggè ku. Mekempet sikandin ne wazè igkesawey kandin. Budtung sikandin he anak he vahi te iney zin ne edhuna is kebpelenggaa kandin te iney zin. Emun egkaahà sikandin te menge vahi, ne ebeǥayan dan sikandin te zengeg, ne minsan is menge rayna wey menge esawa ne edalig kandin.

Solomon 8:10

Wazè e pa mehileveti ne is menge susu ku henduen be te menge turi. Ne kuntintu is minahal ku kediey.