Ester 10:3 - Manobo Western Bukidnon OT

³ Ne si Mordecai, ebpeketinundug is kandin he kegkelavew te utew kegkelavew ni Hadì Ahasuerus. Si Mordecai edlingahaan wey edtehuzen te zuma zin he menge Judio, ne edtehuzen dan sikandin su nekeveǥey te keupiyaanan te menge emurè din te inged, wey te zuma zin he menge Judio, wey nekidlalag sikandin te hadì para kandan.

Ester 10:3 ပူးပေါင်းရင်းမြစ်များ

Genesis 41:40

Edhimuwen ku sikew he iyan ebayàbayà te turuǥan ku ne kinahanglan he ebpevayàbayà kenikew is minsan hentei he sakup ku. Iyan e zà lavew kenikew su iyan a hadì.”

Genesis 45:10

Keǥiyi niw sikandin he egkehimu he ebpekeubpà sikandin diyà te inged he Goshen duma te menge anak din wey menge apù din, menge uyaǥen, wey is langun he menge azen din, para uvey zà sikandin kayi te kedì.

Genesis 45:11

Ne emun diyè en sikandin te Goshen, ne ed-elimahan ku sikandin su zuen pa lelima he tuig he vitil he ebpeebuten. Kenè ku egkesuatan he egkeumes sikandin wey is menge pemilya zin ragkes is menge uyaǥen din.”

2 Cronica 28:7

Si Zicri is sevaha zuen te utew memevurut he menge sundaru te Israel, midhimetayan din si Maasea he anak ni Hadì Ahaz, si Azrikam he sineriǥan diyà te turuǥan, wey si Elkana he ikezuwa te hadì.

Nehemias 2:10

Piru hein netuenan ni Sanbalat he tig-Horon wey ni Tobia he sevaha he upisyal he Amunihanen he nekeuma a is ed-uǥup te menge Israilihanen, nepauk utew sikandan.

Ester 2:5

Ne zutun te miberengbeng he inged diyà te Susa, ne zuen Judio he kevuwazan ni Benjamin he iyan ngazan din si Mordecai. Anak sikandin ni Jair he anak ni Shimei te anak ni Kish.

Ester 3:2

Insuǥù te hadì he is langun he upisyal, edluhud diyà te ki Haman he iyan kedtehuza kandin. Piru si Mordecai wazà mulà medluhud te kedtahud kandin.

Daniel 5:16

Piru netudtulan a he metau ka mulà he edseysey te kehuluǥan, wey metau ka he edsulbar te mereǥen he menge prublima. Guntaan, emun egkevasa nu wey egkeseysey nu is kehuluǥan keniyan te nekesurat, ebpevistiyan ku sikew te visti te hadì wey ebpevelieǥan ku sikew te vulawan. Ne edhimuwen ku pa sikew he iketelu zuen te kinelevawan he menge upisyal kayi te ginhedian ku.”

Daniel 5:29

Ne kebpekepasad ni Daniel te kegkaǥi, ne mibmandù si Belshazar he vistiyi si Daniel te visti te hadì wey velieǥi te velieg he vulawan. Ne midhimu si Daniel he iketelu te kinelevawan he menge upisyal te ginhedian diyà te Babilonia.

Daniel 6:3

Ne si Daniel, iyan edhuna kandan te langun su geina te nekeviza is kandin he ebilidad, umbe mibpelanu sikan is hadì he ibpezumala zin si Daniel te tivuuk he ginhedian din.

1 Samuel 18:16

Piru utew nengesuat is langun he Israilihanen wey tig-Juda ki David, tenged te iyan sikandin ebpengulu kandan te kebpekidtebek.

1 Samuel 23:17

Migkaǥi si Jonatan te, “Kenè ka mahandek su is amey ku ne kenà ebpekekaid kenikew. Su netuenan en te amey ku he egkehimu ka he hadì te Israel, ne ikezuwè e zà kenikew.”