Ester 10:2 - Manobo Western Bukidnon OT

² Ne is langun he nehimu ni Hadì Ahasuerus tenged te kezekelà te ǥehem din, wey is tivuuk he keguǥuza te utew kegkeventuǥa ki Mordecai, ne ingkesurat diyà te Libru he Midsuratan te menge Keguǥuza te menge Hadì te Media wey Persia.

Ester 10:2 ပူးပေါင်းရင်းမြစ်များ

1 Hadì 11:41

Is duma pa he ǥuǥud mehitenged te kedhadì ni Solomon, wey is langun he mibeelan din, wey vahin te ketau zin, ingkesurat heini ziyà te Libru he Midsuratan te menge Baal ni Solomon.

1 Hadì 14:19

Is duma pa he ǥuǥud mehitenged te kedhadì ni Jeroboam, ragkes is kebpekidtebek din, ne ingkesurat diyà te Libru he Midsuratan te menge Keguǥuza te menge Hadì te Israel.

1 Hadì 22:39

Is duma pa he ǥuǥud mehitenged te kedhadì ni Ahab, wey is langun he mibeelan din, ragkes is kebpehitindeg din te mekempet he turuǥan, wey keberengberenga zin te menge inged, ne ingkesurat diyà te Libru he Midsuratan te menge Keguǥuza te menge Hadì te Israel.

Ester 2:23

Impeimbistiga heini te hadì. Ne hein nesusi zin he tutuu iyan heini, impevitey zin si Bigtana wey si Teresh diyà te kayu. Midsuǥù is hadì he isurat heini he neulaula zuen te libru te keguǥuza te ginhedian.

Ester 6:1

Dutun he kezukileman, kenà ebpekelipezeng si Hadì Ahasuerus, umbe insuǥù din he uwita ziyà te kandin wey vesaha sikan is libru he midsuratan te kaaǥi te kedhadì din wey ginhedian din.

Ester 8:15

Ne si Mordecai mulà, migawas diyà te turuǥan is mibivisti te visti te hadì he meitem is kaavuavu zin wey meputì, ne zuen din pendivavew he visti he linu he merudtem. Ne kukuruna sikandin te zekelà he kuruna he vulawan. Ne uruhuyan dà te menge meǥinged diyà te Susa tenged te utew zan kegkengelipey tenged duen te suǥù.

Ester 8:2

Ne zutun te kebpeetuvengè dan, mibpul-ut duen te hadì sikan is sising he para idtuus he midhawì din diyà te ki Haman, ne imbeǥey zin diyà te ki Mordecai. Ne si Ester, imbeǥey zin diyà te ki Mordecai is keǥehem te kebayàbayà te langun he azen ni Haman.

Ester 9:4

Su si Mordecai utew en dekelà is gehem din diyà te turuǥan te hadì; nekeeneb en is bentuǥan din diyà te tivuuk he ginhedian. Ne mid-iseg pa is kegkemekeǥeǥehem din.

Salmo 18:35

Ebpengelangan a kenikew iring te kelasag, umbe nelibri is untung ku. Ed-ipaten a kenikew pinaaǥi te ǥehem nu, Ne nevantug a pinaaǥi te kedtevangi nu kedì.

Daniel 2:48

Ne zutun mibeǥayan duen te hadì si Daniel te mahabet wey mekempet he menge gasa. Wey mibeǥayan din daan sikandin te metikang he ketengdanan su iyan din impezumala te tivuuk he prubinsya te Babilonia wey impepenguluwan kandin is langun he uluwanen he etew zutun.