Ester 10:1 - Manobo Western Bukidnon OT

¹ Ne impevayad ni Hadì Ahasuerus te vuhis is langun he meǥinged dutun te ginhedian din, ragkes sikan is diyà ebpen-ubpà te meziyù.

Ester 10:1 ပူးပေါင်းရင်းမြစ်များ

Genesis 10:5

Iyan heini kevuwazan ni Jafet. Iyan sikandan mibpuunan te menge tribu he ziyà med-ubpà te veyvey te zaǥat. Is kada pemilya zan ne ziyà med-ubpà te keugelingen dan he inged he sakup te nasyun dan, wey zuen dan keugelingen he kineǥiyan.

Ester 1:1

Duen sevaha he hadì te Persia he migngezanan ki Ahasuerus. Diyà sikadin med-ubpà te turuǥan he miberengbeng diyà te inged he Susa. Edhedian din is 127 he prubinsya puun te India taman te Etiopia.

Ester 8:9

Ne hein ike-23 he andew te iketelu he vulan te tuig he migngezanan te vulan he Sivan, mibpesuǥuan sikan is menge sikritaryu zuen te hadì. Ne insurat dan is suǥù he impesurat kandan ni Mordecai he para te menge Judio, menge gubirnedur, menge pengulu, wey te lavew he menge upisyal zutun te 127 he menge prubinsya su puun dà te nasyun he India ne pehendiyè en te Etiopia. Ne is paaǥi te kedsurata zutun he suǥù, migamit dan is keugelingen he kineǥiyan te menge etew ziyà te kada prubinsya wey is kineǥiyan te menge Judio.

Salmo 72:10

Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 24:15

Umbe, is menge etew ziyà te edsilaan wey is diyà te menge veyvey te zaǥat, ereg sikandan he edalig te Nengazen he Megbevayà te Israel.

Daniel 11:18

Umbe, iyan dà dèpa edsurungen duen te hadì diyà te zizaya is menge meǥinged diyà te menge inged he uvey te zaǥat, ne mahabet kandan is edsekupen din. Ne ibpeengked te sevaha he pengulu is baal zuen te hadì he iyan is kebpeel-elezi zin te zuma, ne edhimuwen din he iyan egkepeel-elezan haazà is hadì.