Ester 1:4 - Manobo Western Bukidnon OT

⁴ Heenem he vulan is keluǥayad te midhimu zin he keemuran, ne impaahà ni Ahasuerus is kesesepian din dutun te ginhedian din, wey is dekelà he ventuǥan din wey kegketelehuzen.

Ester 1:4 ပူးပေါင်းရင်းမြစ်များ

1 Cronica 29:25

Midhimu te Nengazen he mevantug si Solomon te tivuuk he Israel wey mibeǥayan din sikandin te zengeg he wazà maangken te zuma he menge hadì te Israel.

Ester 1:3

Ne hein iketelu en he tuig te kedhadì din, midhimu sikandin te zekelà he keemuran para te menge upisyal zin, wey te zuma pa he ebpenilbi kandin. Midtelavuk daan is menge pengulu te sundaru zutun te Persia wey Media, ne elin daan midtelavuk is dungganen he menge etew wey is menge upisyal ziyà te menge prubinsya.

Ester 1:5

Ne hein neiwas haazà, mid-uman en maan sikandin medhimu te pitu he andew he keemuran he para te langun he meǥinged diyà te vinerengbeng he inged he Susa, ebpuun te pinekedungganen pehendiyà te menge egkengeayuayu. Diyà haazà umani himuwa is keemuran te lama te turuǥan te hadì.

Job 40:10

Emun egkehimu nu heeyan, ne ipeheehè nu is kegkemekeǥeǥehem nu, kegkelavew nu, wey zengeg nu.

Salmo 145:5

Egngunngunuen ku is kegkelavew wey kegkemekeǥeǥehem nu, wey is igkeinuinu he menge vaal.

Salmo 21:5

Tenged te kezeeǥan he imbeǥey nu ziyà te kandin nevantug sikandin wey midekelà is dengeg din.

Salmo 45:3

Inseluniket nu is ispada nu, mevurut he hadì; mekeǥeǥehem ka wey meupiya is dengeg nu.

Salmo 93:1

Hadì ka, Nengazen; is bisti nu iyan is kegkemekeǥeǥehem nu wey is utew nu kegkelavew. Utew melig-en is kebenguna nu te kelibutan ne kenà heini egkehuyung.

Isaias 39:2

Mibpurungan seǥipaa ni Hezekia is menge menunudtulà ne impeehè din kandan is menge azen diyà te teleǥuey zin te ketiǥeyunan, is menge pelata, menge vulawan, menge penaket, menge meupiya he klasi te lana, is menge ǥumaan din wey zuma pa he menge ketiǥeyunan din. Wazà minsan hengkey he ziyà te turuǥan din etawa ginhedian din he wazè din ipeehè kandan.

Ezekiel 28:5

Ne pinaaǥi zaan te ebilidad nu te kednigusyu, neumanan pa is ketiǥeyunan nu, ne tenged te ketiǥeyunan nu nehimu ka he mepelevawen.

Daniel 4:30

ke sikandin te, “Utew mekeǥeǥehem is Babilonia he midhimu ku he lavew he inged pinaaǥi te kediey he sigudu wey para te ventuǥan ku.”

Daniel 4:36

“Ne hein midlikù en kayi te kediey is meupiya he ked-isip-isip ne inlikù daan kayi te kediey is dengeg wey ventuǥan te hadì. Midawat e en maan duen te menge upisyal ku wey menge megsesambag ku, ne edhunè a pa he mekeǥeǥehem kenà duen te nehuna he kedhadì ku.

Daniel 5:18

“Mahal he Hadì, ketau te Utew Lavew he Megbevayà is kegkehimu he hadì te amey nu he si Nebucadnezar. Nehimu sikandin he mekeǥeǥehem wey mibeǥayan te menge etew te zengeg.