Ester 1:17 - Manobo Western Bukidnon OT

¹⁷ Haazà is mid-ulaula zin, egkehimu he petug-iringan su emun egketuenan en haazà te langun he menge vahi, ne ebpuunan dan en is kenà kebpezumazuma te esawa zan su egkeisip dan man is, ‘Maan be si Rayna Bashti is midsuǥù te hadì he med-etuvang kandin ne wazà mebpezumazuma.’

Ester 1:17 ပူးပေါင်းရင်းမြစ်များ

2 Samuel 6:16

Hein idseled dan en haazà is Kavan te Nengazen dutun te Inged ni David, mibpantew si Mical he anak ni Saul ziyà te bintanà. Ne neehè din si Hadì David is edlinglingketew en is edsayew ziyà te etuvangan te Nengazen, ne neepes si Mical te mibeelan ni David.

Ezra 4:6

Hein mibpuun medhadì si Ahasuerus, is menge kuntada te menge meǥinged diyà te Juda wey Jerusalem midsurat te menge sumbung dan kuntra kayi he menge meǥinged.

Ester 1:16

Ne zutun te etuvangan te hadì wey te zuma he lavew he menge upisyal, midtavak si Memucan. Ke sikandin te, “Nekevaal te mezaat si Rayna Bashti, ne is mezaat he mid-ulaula zin, ne kenè ka iyan dà nerumbu zutun is hadì dey, kekenà, elin key nerumbu zutun is langun he lavew he menge upisyal wey langun he menge etew he ebpen-ubpà diyà te langun he prubinsya he neseled te ginhedian nu, telehuzen he Hadì Ahasuerus.

Ester 1:18

Siguradu he puun guntaan, ne egkezineg te menge vahi kayi te Persia wey Media he esawa te lavew he menge upisyal is mid-ulaula ni Rayna Bashti. Umbe, layun dà egkeula-ula is kenà kedtinehuzà te telteleesawa.