Ester 1:12 - Manobo Western Bukidnon OT

¹² Piru hein midtudtulan te menge suluǥuen si Rayna Bashti mehitenged dutun te suǥù te hadì, ne wazà sikandin mebpezumazuma, umbe utew nepauk haazà is hadì.

Ester 1:12 ပူးပေါင်းရင်းမြစ်များ

Genesis 3:16

Ne zutun migkeǥiyan din daan is bahi, ke sikandin te, “Tenged te mid-ulaula nu, edhimuwen ku he utew mesakit is kebelilita kenikew ke ed-anak ka. Merasey is ked-enaka nu te menge vatà, ne minsan pa zutun egkeeriǥan ke zed te esawa nu ne iyan sikandin ebayàbayà kenikew.”

Ester 1:11

he zumaha zan diyà te kandin si Rayna Bashti he midsun-uzan is ulu zin te kuruna su wey maahà te menge upisyal zin wey te langun he menge visita zin is kempet din, su si Bashti, utew mekempet he vahi.

Ester 1:13

Ne ǥeina te iyan neleyaman he ed-ul-ulahan te hadì dutun he timpu is kebpekisambag diyà te menge uluwanen he sumesambag he nesayud te menge kesuǥuan wey menge vetasan te menge etew ziyà te Persia.

Ester 7:7

Ne zutun midhitindeg haazà is hadì tenged te utew zin kegkepauk. Mid-ewaan din is binu he ed-inumen din ne midhendiyà sikandin te pemuleey ziyà te turuǥan. Piru mibpetaǥak si Haman ne mibpehizuhizu sikandin ki Rayna Ester su netuenan din he siguradu he edsilutan sikandin te hadì.

Salmo 74:1

He Megbevayà, maan is ebpedayun en is ked-iniyuǥi nu kenami? Maan is nepeukan key kenikew is menge etew he ebentayan nu?

Salmo 79:5

Keenu en buwa egkaawà, Nengazen, is pauk nu kenami? Taman en be te taman is pauk nu kenami? Eriyubriyub en be he iring te hapuy is kebpengelikud nu?

Exodus 32:19

Ne hein utew en si Moises ebpekeuvey zuen te kampu, neehè din en sikan is ed-ezapen he ledawan he tudu he vaka wey is menge etew he ebpemenayew, ne zutun utew sikandin nererengiti. Ne intimbag din duen te lugtenaan te vuntud sikan is uwiten din he memelumpipì he vatu ne nengetevì haazà.

Exodus 32:22

Ne midtavak si Aaron te, “Kenà a kenikew mepeuki su netuenan nu en man he heini is menge etew, susuaten he ebaal te mezaat.

Erubasa 19:12

Emun egkepauk is hadì ne iring haazà te edhiniǥer he erimaung, iyan, is tavang din igkepetug-iring daan te zehemug he ebpekepetuvù te pinemula.

Erubasa 20:2

Emun egkepauk is hadì henduen be te edhiniǥer he erimaung. Umbe, emun ebaal ka te igkepauk din, ne edhimetayan ke zin.

Daniel 2:12

Tenged dutun te tavak dan, utew nepauk sikan is hadì. Ne mibmandar sikandin he penhimetayi is langun he uluwanen he menge etew ziyà te Babilonia.

Daniel 3:13

Kegkezineǥa zà dutun duen te hadì ne utew sikandin nepauk. Ne impetawag din ensi Shadrac, Meshac, wey Abednego.

Daniel 3:19

Ne tenged dutun te tavak dan ne utew sikandan nepeuki zuen te hadì, ne egketuusan ta heini ziyà te zagwey zin. Umbe mibmandu sikandin he ibpeiseg pa is keinit duen te rapug te pitu he takep.

Nahum 1:6

Hentei is ebpekeeguwanta emun utew egkepauk is Nengazen? Emun duen din egkepeukan ne henduen be te edrepu sikandin te hapuy, ne ebpememeka is menge vatu ziyà te etuvangan din.

Deuteronomio 29:20

Kenà sikandin ebpeseyluwen te Nengazen. Iring te edriyubriyub he regreg is dekelà he pauk te Nengazen kandin, ne egkehitavù diyà te kandin is langun he menge rawak he ingkesurat kayi te libru, ne id-awà te Nengazen is ngazan din kayi te kelibutan.