Erubasa 7:7 - Manobo Western Bukidnon OT

⁷ ne neehè ku is menge vetan-en he menge maama he wazè dan pa utew pereg, ne nesusi ku he is sevaha kandan egketalengtaleng.

Erubasa 7:7 ပူးပေါင်းရင်းမြစ်များ

Job 24:15

Is ebpengumpadi te zuen din esawa edtaǥad he ebmerusirem su para kenà maahà. Edtembunan din is buked din su wey kenà mekilala.

Salmo 119:130

Is kedseysaya te lalag nu ebpekeveǥey te kerayag diyà te isip te menge etew wey ketau te wazè din ketau.

Salmo 19:7

Is kesuǥuan te Nengazen wazè din sayep. Ne ebpekezasig heini kenita. Egkeseriǥan is menge penurù te Nengazen ne ebpekeveǥey heini te ketau te kenà metau.

Erubasa 1:22

“Sikiyu is menge wazè din hanew, taman te taman en be he iring kew keniyan? Sikiyu is menge mesudì, taman te taman en be is kegkelipey niw te kedsudì? Sikiyu is menge tulebung, taman te taman en be he kenè kew egkesuat he mebmetau?

Erubasa 1:32

Su is kewewalì te etew he wazè din hustu he ketau iyan ibpatey zin, ne is kebpeeyehey te tulebung iyan ebpekezezaat kandin.

Erubasa 1:4

Ebpkeveǥey heini te ketau te wazè din ketau, wey ebpekeveǥey heini te keuluwanen te menge vetan-en te ked-isip-isip ke hengkey is hustu.

Erubasa 10:13

Duen menge meupiya he penurù he egkekuwa ta ziyà te menge lalag te etew he metau, iyan, is engey ereg he ebmensuwen etawa edsilutan.

Erubasa 12:11

Is mevasuk, ne layun dekelà is keuyaǥan din, piru sikan is etew he kenà utew metau he ed-isip ke hengkey is hustu, kenè din egkenuǥunan is timpu he egkeusik.

Erubasa 14:15

Is etew he wazè din utew hanew, edtuu te minsan hengkey zà duen; is etew he metau, ne ed-is-isipen din ke hendei is meupiya etawa mezaat ne ebentayan din is kedlangkad din.

Erubasa 14:18

Is etew he wazè din utew pereg, egkezawat din is rimeǥas te ketutulebungi zin, ne is etew he layun din ebpekeventayi is ed-ul-ulahan din, egkevantug sikandin tenged te ketau zin.

Erubasa 19:2

Kenà meupiya emun tekew ki en egkeleglegetayi te wazè ta metueni is ked-ul-ula zuen wey is egkehimu he rimeǥas din. Kenà meupiya is kedegdeǥusu su kela ke mesayep ki.

Erubasa 19:25

Kinahanglan he edsilutan is menge sumpalit para is iring dan he kenà memetau ne egkehimu sikandan he uluwanen. Is uluwanen he etew ne ed-iseg pa is kedsavut din emun edewayen sikandin.

Erubasa 22:3

Is etew he uluwanen, egketuenan din te edlikey emun duen kemereǥenan he ebpekesuǥat kandin, iyan, is etew he wazè din utew emet ne kenà ed-eliǥu zutun, umbe ebpekebmereǥen sikandin.

Erubasa 24:30

Nekesaǥad a ziyà te vevesukà te etew he tepulan he wazè din utew emet.

Erubasa 27:12

Is etew he uluwanen egketuenan din emun duen piligru he egkehitavù kandin, piru is etew he kenà uluwanen ne kenà mevantey, umbe ebpekaantus sikandin.

Erubasa 5:1

Mama, purungi nu pemineǥa is menge lalag ku he egkezumahan te ketau,

Erubasa 6:20

Mama, sunuza nu is menge suǥù wey ibpenurù te ginikanan nu kenikew.

Erubasa 6:32

Is etew he edhilavet te zuen din esawa ne kenà metau he ed-isip te hustu. Iyan dà sikandin ed-uney edezaat te lawa zin.

Erubasa 8:5

Sikiyu is menge wazè din utew hanew, penigudu kew wey kew mebmetau. Sikiyu is menge tulebung, gemita niw is kedsavut niw.

Erubasa 9:16

Ke sikandin te, “Sikiyu is wazè din pereg wey kedsavut, hendini kew.”

Erubasa 9:4

“Sikiyu is menge wazà hanew wey kedsavut, mid-imbita kew te kegkaan te ǥastu.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”