Erubasa 7:3 - Manobo Western Bukidnon OT

³ Ipemula nu heini ziyà te isip nu wey nu kenà melipati.

Erubasa 7:3 ပူးပေါင်းရင်းမြစ်များ

Erubasa 3:3

Kenè nu ewaa ziyà te kenikew is kebpekid-uunungen wey is kegkemetinumanen; ke và dà belieg ne ipurung nu ivevelieg, ne ke và dà litra ne isurat nu ziyà te ǥehinawa nu.

Erubasa 4:21

Tentenuzi nu heini, ne tipiǥi nu heini ziyà te ǥehinawa nu.

Erubasa 6:21

Ipemula nu heini ziyà te ǥehinawa nu su wey kenè nu heini melipati.

Erubasa 7:4

Is ketau, isipa nu he iring te etevey nu, ne is kedsavut, isipa nu he iring te utew nu emiǥu.

Isaias 30:8

Migkaǥi is Nengazen kayi te kedì te, “Genat ka, isurat nu ziyà te libru is egkeǥiyen ku he ebpekesuǥat te menge Israilihanen su wey zuen pengintutuu ziyà te menge etew te huziyan he timpu. Egkehimu heini he wazè din pidtemanan he pengintutuu te kelelalung dan.

Isaias 59:21

Ne iyan heini kebpekid-uyun ku keniyu: Kenà egkaawà is Mulin-ulin ku he ziyà te keniyu wey is menge lalag he migkaǥi ku keniyu. Tudtula niw heini ziyà te menge anak niw, ne edtudtulen dan daan heini ziyà te kandan he menge anak, ne ebpedayun heini pehendiyà te huziyan he menge lapis te kevuwazan. Iyan a, is Nengazen, is migkaǥi kayi.”

Jeremias 17:1

Migkaǥi is Nengazen te, “Sikiyu is menge etew ziyà te Juda, is menge salè niw in-ukir ziyà te kenà mepezumdumahan he gehinawa niw, henduen be te menge litra he in-ukir ziyà te vatu etawa menge sungeysungey te menge suyuk te menge pemuhatè niw.

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.