Erubasa 7:2 - Manobo Western Bukidnon OT

² Tumana nu is menge suǥù ku ne edluǥeyazan ka te untung. Ne pekeventayi nu is menge penurù ku iring te ked-urami nu te mata nu.

Erubasa 7:2 ပူးပေါင်းရင်းမြစ်များ

Salmo 119:144

Wazà pidtemanan is ketazeng te menge penurù nu. Beǥayi a te kedsavut te menge penurù nu su para mebpedayun is kegkeuyag-uyag ku.

Salmo 17:8

Ilikey a kenikew te kezeetan iring te kedlikaya te etew te mata zin wey kenà mesazir, ne pengelangi a kenikew iring te kebpengalang te tagbis te menge anak din pinaaǥi te kedlekupi zin kandan.

Erubasa 4:13

Pekezeseni nu te egawed is penurù ku; kenè nu ituǥut he maawà diyà te kenikew, pekeventayi nu su iyan heini untung nu.

Erubasa 4:21

Tentenuzi nu heini, ne tipiǥi nu heini ziyà te ǥehinawa nu.

Erubasa 4:4

Mibpenurù a te amey ku. Migkeǥiyan e zin te, “Ipurung nu itaǥù diyà te isip nu is menge penurù ku. Layun nu tumana is menge suǥù ku su wey mebmeluǥayad is untung nu.

Isaias 55:3

Uvey kew wey mebpemineg kediey su wey kew meuyag. Ebpekid-uyun a keniyu te wazà pidtemanan. Ibpeehè ku keniyu is gaǥew wey kebmetinumanen ku he insaad ku ki David.

Jeremias 38:20

Midtavak si Jeremias te, “Kenè ka ibeǥey ziyà te kandan emun ebpezumdumahan nu is Nengazen. Egkelibri is untung nu ne wazà egkehitavù kenikew.

Zacarias 2:8

Hein nepasad is kegkaahaa ku zuen te menge nelewasan ku, midsugù a te Nengazen he megkaǥi a te ebpekesuǥat diyà te menge nasyun he nenurung keniyu wey nenguwa te menge azen niw. Su is minsan hentei he ebpesipala keniyu, ebpesipelahan din is utew mahal te Nengazen. Ne iyan heini kes migkaǥi te Nengazen he Mekeǥeǥehem he ebpekesuǥat diyà te menge nasyun:

Deuteronomio 32:10

Neehè din sikandan diyà te disirtu he iyan kes lugar he wazè duen utew ebpeketuvù he pinemula. Mid-elimahan din sikandan wey mibpelembungan iring te kebpelembungi te etew te mata zin.