Erubasa 5:3 - Manobo Western Bukidnon OT

³ Is lalag te vahi he mengungumpadi meemis pa te teneb, ne is kegkaǥi zin ebpekevihag iring te idhamham he lana te ulibu.

Erubasa 5:3 ပူးပေါင်းရင်းမြစ်များ

Salmo 55:21

Menayù wey meupiya is kebpengaǥikaǥi zin, iyan, duen bes kedumut diyà te ǥehinawa zin, ne ibmesakit te ǥehinawa is menge lalag din, su iring heini te meǥarang he ispada.

Erubasa 2:16

Pinaaǥi te ketau, ebpekelikey ka wey ka kenà metintal emun edtintalen ka te vahi he edsalàsalà pinaaǥi te menge lalag he ebpeketintal.

Erubasa 22:14

Is kegkaǥikaǥi te vahi he lebag ne ebpeketintal, iring te mezalem he vudsi, ne heini he vudsi ne egkeulug kayi is egkeepesan te Nengazen.

Erubasa 5:20

Mama, kenè nu iyan isipa is bahi he mengungumpadi. Kenè nu iyan egkesuati is esawa te sengememaama.

Erubasa 6:24

Ne pinaaǥi kayi ebpekelikey ka te vahi he mengungumpadi wey kenè ka egkeuwit te mekevivihag he menge lalag din.

Erubasa 7:21

Pinaaǥi te keungangen te menge lalag din neuwit din haazà is maama.

Erubasa 7:5

Tenged kayi egkelikayan nu is bahi he edsalàsalà te esawa zin, wey te mekevivihag he menge lalag dan.

Megwewali 7:26

Nesusi ku he is meungangen he vahi ne mepait pa te kemetayen. Is arig din ne iring te litag, wey is menge velad din he igkepkep din kenikew ne iring te kedina. Ebpekelikey kandin is ebpenunuat te Megbevayà, iyan, egkelitag din mulà is mekesesalà.

Solomon 4:11

Henduen be te teneb is keemis te menge hazek nu, minahal ku. Uya, is dilè nu henduen be te zuen duen teneb wey gatas. Is kehemut te kumbalè nu ne iring kehemut te kayu he sidru ziyà te Lebanon.