Erubasa 4:3 - Manobo Western Bukidnon OT

³ Siak, hein batè e pa, is budtung he anak te ginikanan ku, pinelanggà a te iney ku.

Erubasa 4:3 ပူးပေါင်းရင်းမြစ်များ

1 Cronica 22:5

Migkaǥi si David te, “Betan-en pa is anak ku he si Solomon ne wazè din pa utew hanew. Kinahanglan he mekempet wey egkevantug kayi te tivuuk he kelibutan is edtukuzen he valey te Nengazen. Umbe edteǥenahan ku heini ǥuntaan.” Umbe mibpurungan heini pengendami ni David hein wazè pa sikandin mebpatey.

1 Cronica 29:1

Ne migkeǥiyan ni Hadì David is langun he menge Israilihanen te, “Si Solomon he anak ku he mibpilì te Megbevayà, betan-en pa ne wazè din pa kesinetian. Dekelà is buluhaten, su is edtukuzen he vilding ne kenà para te etew, kekenà, para te Nengazen he Megbevayà.

1 Cronica 3:5

Ne iyan heini menge anak din he neetew ziyà: si Shimea, Shobab, Natan, wey Solomon. Heini sikandan is heepat ne anak din diyà te ki Batsheba he anak ni Amiel.

Jeremias 10:23

He Nengazen, netuenan ku he is untung te etew ne kenè kandin. Kenè din egkeveyveyaan is ebpekeuma he menge hitavù.

Zacarias 12:10

“Ebeǥayan ku is menge kevuwazan ni David wey is menge meǥinged diyà te Jerusalem te ǥehinawa he hihizuwen wey meinempuen. Edtengtengan e zan is midhimetayan dan, ne edsineǥew sikandan iring te ginikanan he midsineǥew tenged te kebpatey te vudtung he anak din etawa kinekekayan he anak din.