Erubasa 3:3 - Manobo Western Bukidnon OT

³ Kenè nu ewaa ziyà te kenikew is kebpekid-uunungen wey is kegkemetinumanen; ke và dà belieg ne ipurung nu ivevelieg, ne ke và dà litra ne isurat nu ziyà te ǥehinawa nu.

Erubasa 3:3 ပူးပေါင်းရင်းမြစ်များ

2 Samuel 15:20

Wazè pa utew meuǥet is kebpekeuma niw kayi, ne ǥuntaan eduma kew kenami he wazè dey ganì metueni ke hendei key ebpevayà? Likù kew ziyà te menge siringan niw, ne deyzey ke ipaahà te Nengazen is gaǥew zin wey keupiya zin keniyu.”

Salmo 119:11

Edtipiǥan ku kayi te ǥehinawa ku is menge lalag nu, su wey a kenà mekesalà diyà te kenikew.

Salmo 25:10

Dutun te langun he ebeelan nu, ipeehè nu is gaǥew nu wey kegkemetinumanen nu ziyà te menge edsunud te ibpetuman diyà te kesuǥuan nu.

Salmo 85:10

Ebpekeduma is gaǥew wey kebmetinumanen, ne ebpekeduma zaan is ketazeng wey is kelinew.

Exodus 13:9

Heini he pista, igkepetug-iring te patik diyà te menge velad niw etawa vuked niw he ebpetanudtanud keniyu he kinahanglan he edtudtulen niw is insuǥù te Nengazen su impeǥawas kew zin diyà te Ehipto pinaaǥi te ǥehem din.

Exodus 34:6

Ne midsaǥad is Nengazen diyà te etuvangan din ne mibpekezaǥing sikandin is egkaǥi te, “Siak is Nengazen, Megbevayà a he veliǥeǥawen wey hihizuwen, ne kenà a melemu he egkepauk, ne ibpeehè ku is dekelà he kebmahal ku wey kebmetinumanen ku.

Erubasa 1:9

Is penurù dey ebpekeveǥey kenikew te meupiya he vetasan iring te kuruna he menge vulak etawa velieg he ebpekeveǥey kenikew te mekempet he kedezagwey wey zengeg.

Erubasa 14:22

Is etew he ebpelanu te mezaat, ebpekevaal te sayep, iyan, is etew he meupiya is ebpelenuwen din, ebmahalen wey ebpezumdumahan sikandin te zuma he menge etew.

Erubasa 16:6

Emun mahal ta is Nengazen he metinumanen, ebpeseyluwen din is menge salè ta. Emun edtehuzen ta sikandin, egkelikayan ta is mezaat he egkeulaula.

Erubasa 20:28

Emun hihizuwen wey metinumanen is sevaha he hadì, ne wazà ebpekezezaat kandin ne ebpedayun is kedhadì din.

Erubasa 6:21

Ipemula nu heini ziyà te ǥehinawa nu su wey kenè nu heini melipati.

Erubasa 7:3

Ipemula nu heini ziyà te isip nu wey nu kenà melipati.

Jeremias 17:1

Migkaǥi is Nengazen te, “Sikiyu is menge etew ziyà te Juda, is menge salè niw in-ukir ziyà te kenà mepezumdumahan he gehinawa niw, henduen be te menge litra he in-ukir ziyà te vatu etawa menge sungeysungey te menge suyuk te menge pemuhatè niw.

Hoseas 4:1

Sikiyu is menge Israilihanen he meǥinged diyà te tanà he Israel, pemineǥa niw is riklamu te Nengazen keniyu: “Wazè en etew ziyà te tanè niw he metinumanen, ebmahal, wey egkilala kediey,

Malakias 2:6

Tutuu is menge penurù dan wey wazà sikandan medtarùtarù. Ne miduma sikandan kediey ziyà te kelinew wey ketazeng, ne mahabet is ingkepeengked dan te kebaal te salà.

Deuteronomio 6:8

Bevekelew kew wey tutubew kew te edsuratan kayi su para kenè niw heini melipati.