Erubasa 26:3 - Manobo Western Bukidnon OT

³ Kinahanglan he edlegkuten wey ebusalan is kudà wey asnu. Iring din is tulebung, kinahanglan he ebpigahan.

Erubasa 26:3 ပူးပေါင်းရင်းမြစ်များ

Salmo 32:9

Kenè nu iringi is kudà he kenà ebpekesavut, he kinahanglan pa he egkekangan wey edrindahan su para mekepezumazuma.”

Erubasa 10:13

Duen menge meupiya he penurù he egkekuwa ta ziyà te menge lalag te etew he metau, iyan, is engey ereg he ebmensuwen etawa edsilutan.

Erubasa 17:10

Is etew he meudseb, kesevaha zà edsewaya ne egkepenurù en, iyan, is tulebung, minsan penletiguwa pa ne kenà egkepenurù.

Erubasa 19:25

Kinahanglan he edsilutan is menge sumpalit para is iring dan he kenà memetau ne egkehimu sikandan he uluwanen. Is uluwanen he etew ne ed-iseg pa is kedsavut din emun edewayen sikandin.

Erubasa 19:29

Ebmultahan is etew he sumpalit ne ebuǥelen is egkeengey-engey.

Erubasa 27:22

Is tulebung minsan ed-iringen te pa te parey he ed-ey-eyazan ebeveyuwa su wey maawà is ukap, iyan, kenà gihapun egkaawà is ketutulebungi zin.