Erubasa 24:7 - Manobo Western Bukidnon OT

⁷ Is tulebung kenè din egkesavut is mezalem he menge lalag. Wazè din igkesambag emun impurtanti is egkevitiyeraan.

Erubasa 24:7 ပူးပေါင်းရင်းမြစ်များ

Job 31:21

Emun mibpesekitan ku pinaaǥi te velad ku is ilu, su ǥeina te zuen ku ǥehem diyà te hukmanan,

Job 5:4

Is menge anak din, ne wazà egkepeveyaan dan he ebpekelibri kandan, ne wazà edlavan kandan diyà te hukmanan.

Salmo 10:5

Ne minsan pa zutun, layun sikandan ed-uswag, umbe wazè en diyà te isip dan is kedhukumi nu kandan. Ne và dan dà ed-un-undaha is menge kuntada zan.

Salmo 127:5

Utew zeyzey is etew he zuen din mahabet he menge anak, su zuen ebpeketavang kandin te ked-etuvang te menge kuntada zin diyà te hukmanan.

Erubasa 14:6

Is etew he sumpalit, kenà egkehimu he uluwanen, iyan, is etew he uluwanen, melemu zà mulà egketau.

Erubasa 15:24

Is etew he metau, iyan ed-ikulen din is dalan pehendiyà te untung ne kenà iyan is dalan pehendiyà te kemetayen.

Erubasa 17:16

Wazà pulus te selapì he egkeǥastu tenged te kebpetunghaa te tulebung su wazè din man tinguhà he mebmetau sikandin.

Erubasa 17:24

Is etew he meudseb, egketuenan din ke hengkey is dait he ebeelan din, iyan, is tulebung, minsan hengkey zà duen is ebeelan din.

Erubasa 17:7

Wazà igkepegalbu te tulebung ne kenè dait he edtarùtarù is pengulu.

Erubasa 22:22

Kenè ka pemintahà te menge pubri, wey kenè nu sikandan pegpeǥesa ziyà te hukmanan,

Erubasa 28:5

Is menge etew he lalung kenè dan egkesavut is hustu he kukuman, piru is menge etew he edangep te Nengazen egkepurung dan mulà egkesavut is hustu.

Erubasa 31:23

Diyà te inged dan, ne telehuzen is esawa zin wey sevaha te menge edlingahaan dutun.

Isaias 29:21

ragkes is langun he ebpen-ulug te kewusa, is edtuis te ketazeng diyà te hukmanan, wey is menge tistiǥus he edtarùtarù su para kenà mevaǥayì te hustu he kukuman is wazà mekesalà.

Isaias 32:6

Su tinulebung is egkeǥiyen te tulebung, ne is mezaat he isip din dutun is pelanu te kebaal te vaal he kenà sungkad te egkesuatan te Megbevayà, tarù is menge lalag din mehitenged te Nengazen, wey kenè din edseǥipaan is menge egkevitil wey egkemezahan.

Amos 5:10

Sikiyu is menge tig-Israel, egkepeukan niw is edhukum te hustu wey egkaǥi te tutuu ziyà te hukmanan.

Amos 5:12

Su netuenan ku ke sengemenu kahabet wey ke sengemenu kezekelà is menge salè niw. Edèdaaǥen niw is menge etew he wazà mekesalà ne mibpenepian niw pa. Wazè niw veǥayi te hustu he kukuman diyà te hukmanan is menge pubri.

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.