Erubasa 22:9 - Manobo Western Bukidnon OT

⁹ Edtuvazan te Nengazen is etew he kelelaǥan, su edtelewizen din is menge pubri.

Erubasa 22:9 ပူးပေါင်းရင်းမြစ်များ

Salmo 112:9

Kelelaǥan sikandin diyà te menge pubri; is keupiya zin egketenuzan taman te taman ne ebeǥayan sikandin te Megbevayà te zengeg pinaaǥi te ked-umani te Megbevayà te egkehimu zin.

Erubasa 11:17

Is etew he metinevangen, iring te iyan din edtevangan is keugelingen din, ne is mesipala, iring te iyan din ebpesipelahan is keugelingen din.

Erubasa 11:25

Is kelelaǥan he etew, ed-uswag sikandin, ne is edtavang te zuma zin, edtevangan daan sikandin te zuma zin.

Erubasa 11:27

Is etew he meupiya is tuyù din, meupiya is isip te menge etew ziyà te kandin, iyan, is etew he mezaat is tuyù din, mezaat daan is ed-ul-ulahan te menge etew ziyà te kandin.

Erubasa 14:21

Is etew he edsudì te zuma zin, ne ebpekesalà, iyan, utew zeyzey is etew he metinevangen te kinahanglan he edtevangan.

Erubasa 19:17

Emun ebeǥey ki ziyà te menge pubri, ne iring te impesambey nu is Nengazen, su iyan is Nengazen ebayad kenikew.

Erubasa 21:13

Emun kenè ta idtetepian is egkengeayuayu he ebpekitavang kenita, ne kenè ki zaan idtetepian emun iyan ki ebpekitavang.

Erubasa 28:24

Is etew he edtuu he kenà sayep emun iyan din dà ebpenekawan is amey zin wey iney zin, ne iring sikandin te tulisan.

Erubasa 28:27

Is etew he edtelewizen din is pubri kenà egkeeminan te minsan hengkey he kinahanglan din, iyan, is etew he kenè din en ebeliyen is menge pubri ebpenrewakan sikandin.

Erubasa 31:20

Igkeǥaǥew zin is menge pubri wey ebpenginahanglan.

Isaias 32:8

Piru sikan is etew he tutuu he dungganen ebpelanu te kebaal te dungganen he menge vaal, ne edtumanen din heini layun.

Deuteronomio 28:56

Minsan is beliǥeǥawen wey meredtan he vahi he henduen be te kenà ebpekeǥevà te pinggan, egkehimu en he mesekel te pinelanggà din he esawa wey te menge anak din.