Erubasa 22:8 - Manobo Western Bukidnon OT

⁸ Is ebpemula te kelelalung ebpekeraǥun te kezeetan, ne kenè en ebpekependezaat te zuma.

Erubasa 22:8 ပူးပေါင်းရင်းမြစ်များ

Job 4:8

Sumalà te nepeniizan ku, iyan ebpekesaǥad te mezaat wey kesamuk is menge etew he ebaal te mezaat wey kesamuk.

Salmo 125:3

Kenè din idtugut he ebpedayun is kedumala te menge lalung diyà te tanà te menge metazeng, su kela ke mekevaal zaan te mezaat is menge metazeng.

Erubasa 1:31

ne egkeraǥun niw is mezaat he menge beǥas te vaal niw, wey is menge mezaat he pelanu niw.

Erubasa 14:3

Is menge ebpengeǥiyen te tulebung he etew, iyan ebpekezezaat kandin, piru is ebpengeǥiyen te uluwanen, iyan egkehimu he pengalang din.

Isaias 10:25

Su kenè en egkeuǥet ne egkaawè en is pauk ku keniyu ne ziyè ku maan te kandan ibpaahà is pauk ku taman te ebpemematey sikandan.

Isaias 10:5

Migkaǥi is Nengazen te, “Mekehizuhizu is menge tig-Asiria. Iyan sikandan egemiten ku he lagkut he para te kedsilut te menge egkeepesan ku.

Isaias 14:29

Sikiyu is menge Filistihanen, kenè kew lipey tenged te kebpatey zuen te hadì he midsurung keniyu. Su is anak din he ebpekeilis kandin edhuna pa he ebpekezezaat kenà sikandin, iring sikandin te uled he minatey he nekaanak te edlayang he uled he edhuna pa he edhereg.

Isaias 30:31

Siguradu he egkahandek is menge tig-Asiria emun egkezineg dan is laǥeng te Nengazen. Ebpurungan din sikandan edsiluti.

Isaias 9:4

Su ibpekeziyù nu sikandan diyà te midlupiglupig kandan. Iring sikandan te uyaǥen he ebedtien nu is id-eyuǥu zuen wey is tuked he idlagkut duen. Is ebeelan nu kandan iring te mibeelan nu zengan hein midaag nu is menge Midianhen.

Hoseas 10:13

“Piru nemula kew te kelelalung, umbe ebpekeraǥun kew zaan te kelelalung. Midtarùtarù kew, ne beǥas heeyan te kelelalung niw. Ne ǥeina te midsarig kew te kebpekegaga niw, iring te kahabet te menge sundaru niw,

Hoseas 8:7

“Iring sikandan te nemula te keramag ne ebpekeraǥun sikandan te eribpures. Iring dan daan te trigu he wazè din pungu he kenà ebpekeveǥey te keenen. Piru minsan ebpekeveǥey heini te keenen, ne iyan egkaan duen is menge lumelengyawà.