Erubasa 18:3 - Manobo Western Bukidnon OT

³ Is kebaal te mezaat wey mekeeled-eled he vaal ne iyan ebpekeveǥey te keelezan.

Erubasa 18:3 ပူးပေါင်းရင်းမြစ်များ

Nehemias 4:4

Ne zutun mid-ampù a, ke siak te, “He Megbevayè dey, pemineǥa key kenikew su edsusudien key. Deyzey ke ziyà egkehitavù te kandan is menge insultu zan kenami. Berakat he vihaǥa sikandan diyà te zuma he lugar.

Salmo 69:20

Inmesakit te ǥehinawa ku is kebpeel-elezi zan kedì ne mibmezaat is isip ku. Ebperetengen ku is kegkehizuwi kedì, piru wazà nehizu kedì. Ebperetengen ku is kedlipaya kedì, piru wazà midlipey kedì.

Salmo 69:9

Ebpesipelahan a tenged te kebmahala ku te valey nu. Ibmesakit te gehinawa ku is lalag te menge etew he insultu kenikew.

Erubasa 11:2

Is ebpelavew ne egkepeel-elezan sikandin, piru is kenà mepelevawen egkehimu he uluwanen.

Erubasa 13:5

Is etew he metazeng, igkeepes din is kedtarùtarù, iyan, is etew he mezaat is menge ulaula zin, mekeeled-eled mulà is menge lalag din.

Erubasa 18:2

Is tulebung he etew ne wazè din isipa is kebpeiseg te kedsavut din; iyan egkesuatan din he ibpahayag is kandin he egkengeisip umbe layun din ibpezineg.

Erubasa 18:4

Is menge lalag te uluwanen he etew ne ebpekeveǥey te ketau te zuma; iring te edtudà he wahig he ziyà ebpuun te mezalem he serebseb he kenà egkemezahan.

Erubasa 22:10

Emun ibpaawà diyà te inged is menge etew he sumpalit, egkaawà daan is kebpelewlewanà, kesevaan, wey is kebpein-insultuwà.

Erubasa 29:16

Emun lalung is ebpemendumala, ne ed-uswag daan is ked-ulaula te salà. Piru heini sikandan egkezeetan, ne egkemetmetahan heini te menge metazeng.

1 Samuel 20:30

Utew nepeuki ni Saul si Jonatan. Ke sikandin te, “Tulebung ka iyan he vatà! Netuenan ku he edlevanan nu si David. Ebpeel-elezan nu is keugelingen nu wey is iney nu.