Erubasa 17:7 - Manobo Western Bukidnon OT

⁷ Wazà igkepegalbu te tulebung ne kenè dait he edtarùtarù is pengulu.

Erubasa 17:7 ပူးပေါင်းရင်းမြစ်များ

2 Samuel 23:3

Is Megbevayà he iyan is endilungà he vatu te Israel, migkaǥi sikandin kedì, ke sikandin te, ‘Is etew he metazeng is kedumala wey zuen din kegkehandek te Megbevayà,

Job 34:12

Kenà egkehimu he ebaal te sayep is Mekeǥeǥehem he Megbevayà. Kenè din ebulegkuen is hustu he kukuman.

Salmo 31:18

Ipetiem nu heeyan is menge teruen he ebpegalbu wey edsudì te menge metazeng.

Erubasa 12:19

Is menge lalag he tutuu kenà egkaawà te wazà pidtemanan, iyan, is lalag he tarù meǥaan dà egkahanew.

Erubasa 12:22

Egkeepesan te Nengazen is teruen, piru igkelipey zin mulà is kenà menge teruen.

Erubasa 19:10

Kenà dait is tulebung he etew he ebpengungubpaan he zekelà is ketiǥeyunan din, ne tuwas pa he kenà dait is uripen he ebayàbayà te menge edumala.

Erubasa 24:7

Is tulebung kenè din egkesavut is mezalem he menge lalag. Wazè din igkesambag emun impurtanti is egkevitiyeraan.

Erubasa 26:1

Kenà ereg he ebpenggiyew emun gulavung ne kenè daan edrendeng emun tiraǥun, ne iring keniyan is tulebung su kenà dait he edeliǥen.

Erubasa 26:7

Is erubasa he egkeǥiyen te menge tulebung ne wazè din pulus iring te paa te pigket.

Erubasa 29:12

Emun ebpemineg is pengulu te tarù he menge tudtul, ne egkehimu he lalung is langun he menge upisyal zin.

Erubasa 6:17

is menge gelbuwen, is menge teruen, is menge memumunù,