Erubasa 17:5 - Manobo Western Bukidnon OT

⁵ Is etew he ed-un-undahan din is menge pubri, iyan din egkesudì is Megbevayà su iyan man midlimbag kandan, ne is igkesuat din is kegkehitevua te mezaat diyà te sengeetew, siguradu edsilutan sikandin.

Erubasa 17:5 ပူးပေါင်းရင်းမြစ်များ

Job 31:29

“Wazè ku ikelipey is kegkezeeti te menge kuntada ku etawa kebpekebmereǥen dan.

Salmo 69:9

Ebpesipelahan a tenged te kebmahala ku te valey nu. Ibmesakit te gehinawa ku is lalag te menge etew he insultu kenikew.

Erubasa 14:21

Is etew he edsudì te zuma zin, ne ebpekesalà, iyan, utew zeyzey is etew he metinevangen te kinahanglan he edtevangan.

Erubasa 14:31

Is kedèdaaǥa te menge pubri, paaǥi te kedsupaka te Megbevayà, iyan, is kedtevangi te etew he kinahanglan he edtevangan, paaǥi te kebentuǥa te Megbevayà.

Erubasa 16:5

Egkeepesan te Nengazen is menge mepelevawen, ne siguradu edsilutan din sikandan.

Jeremias 17:16

He Nengazen, wazè ku lemlemuwi is buluhaten ku he kebantey te menge etew nu. Wazè ku sikew peǥesa he ipeseǥazi nu en kandan is kezeetan. Netuenan nu is mibpengaǥi ku.

Ezekiel 25:3

Keǥiyi nu is menge meǥinged keniyan he mebpemineg dan kedì, su iyan a, is Nengazen he MEGBEVAYÀ migkaǥi te, ‘Tenged te ingkelipey niw is kegkerundus duen te simbahan he valey ku wey is kegkezeeti te Israel, wey kegkevihag te menge etew ziyà te Juda,

Obadias 1:10

“Tenged te kebpesipelahi niw te menge kevuwazan ni Jacob, he menge kezuzumahi niw, ebpeel-elezan kew wey edezeetan kew te wazà pidtemanan.

Obadias 1:16

Iring te midsilutan is menge etew ku ziyà te segradu he vuntud ku, ne edsiguduwan daan edsiluti is langun he menge nasyun. Ebpurungan ku sikandan edsiluti taman te egkengahanew sikandan.”