Erubasa 17:3 - Manobo Western Bukidnon OT

³ Is bulawan wey pelata, egezaman pinaaǥi te hapuy, ne egezaman daan te Nengazen is gehinawa te etew.

Erubasa 17:3 ပူးပေါင်းရင်းမြစ်များ

1 Cronica 29:17

He Megbevayè ku, netuenan ku he iyan ka edsusi te menge ǥehinawa zey, ne igkelipey nu ke egkeehè nu he metazeng heini. Umbe tutuu wey ebpuun te keputian te atey is kebeǥaya ku kayi he menge vutang. Wey minsan is menge keet-etawan nu he kayi ǥuntaan ne neehè ku he mibeǥey zan daan te ebpuun te keputian te atey zan. Umbe utew a nelipey.

Job 23:10

Piru netuenan din is menge vaal ku. Emun egkeǥezaman e zin en, egkeǥiyen din he lumpiyu a iring te lunsey he vulawan.

Job 28:1

“Duen menge minahan he zutun egketuredu is menge pelata, wey zuen menge lugar he zutun edtunawa is menge vulawan.

Salmo 139:23

Susiya a kenikew, Megbevayè ku, su para metueni nu is kayi te ǥehinawa ku. Gezami a, su para metueni nu is ed-isipen ku.

Salmo 26:2

Susiya a, Nengazen; susiya nu is isip ku wey ǥehinawa ku.

Salmo 66:10

He Megbevayà, iyan tutuu is migezaman key kenikew; midhimu key kenikew he lunsey iring te pelata he midlunsey pinaaǥi te hapuy.

Erubasa 15:11

Kenà ebpekeeles diyà te Nengazen is egketagu diyà te isip wey ǥehinawa te minsan hentei su minsan is egkengeulaula ziyà te iveyaan, ne netuenan din.

Erubasa 16:2

Is langun he ed-ul-ulahan te etew, midtuuwan din he hustu, piru edsusiyen te Nengazen is tuyù te uman sevaha.

Erubasa 17:2

Is uluwanen he suluǥuen, ne ebpekemandù te taleng he anak te egalen din, ne ebeǥayan sikandin te egkepengevilin duma te zuma pa he menge anak te egalen din.

Erubasa 21:2

Minsan pa ke iyan egkeisip te etew is utew hustu is langun he menge ulaula zin, iyan hustu is hukum te Nengazen kandin.

Erubasa 27:21

Egketuenan is hustu he vulawan wey is hustu he pelata pinaaǥi te kegezami zuen pinaaǥi te hapuy, ne is etew zaan egketuenan is ked-etew zin pinaaǥi te kegkezeliǥi kandin.

Isaias 48:10

Pemineg kew! Edlumpiyuwan ku sikiyu, piru kenà iring te kedlumpiyuwi te pelata; su edlumpiyuwan ku sikiyu pinaaǥi te kemeresayan.

Jeremias 17:10

Iyan a, is Nengazen, netau a te gehinawa wey isip te etew. Ebelesan ku is etew sumalà te vetasan din wey menge ulaula zin.

Ezekiel 22:18

“Sikew is etew, is menge etew te Israel nehimu he wazè dan pulus para kediey. Iring sikandan te tangis te brunsi, lata, putew, etawa timeǥà he netaǥak diyà te tunawà he midlunsayan te pelata.

Daniel 11:35

Ebpesipelahan is duma he nekesavut te tutuu su para mehimu sikandan he lunsey wey egkelumpiyuwan sikandan taman te kegkeuma te ketepusan, he egkeuma emun egketuman en is timpu he netelaan.

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Deuteronomio 8:16

Diyà te sibsivayan, ebeǥayan kew zin te ‘manna’–keenen he wazà hanew zuen te menge kepuun niw. Midhimu heini te Nengazen para kenè kew mekepelavew wey te kegezam keniyu su wey mebmeupiya is kebpekesavuk niw te huziyan he timpu.

Deuteronomio 8:2

Tentenuzi niw ke mibmenumenu te Nengazen he Megbevayè niw is kegiyahi zin keniyu zuen te hipanew niw ziyà te sibsivayan seled te 40 he tuig. Midhimu zin heini su para kenè kew mekepelavew, wey te kegezam keniyu su para metueni ke hengkey is netaǥù diyà te ǥehinawa niw, ke edtumanen niw ve is menge suǥù din etawa kenà.