Erubasa 13:6 - Manobo Western Bukidnon OT

⁶ Is meupiya he menge ulaula, iyan bantey te menge metazeng, piru is mezaat he menge ulaula, iyan ebpuew te menge mekesesalà.

Erubasa 13:6 ပူးပေါင်းရင်းမြစ်များ

1 Hadì 1:52

Migkaǥi si Solomon te, “Emun kenè e zin edlimbungan, ne kenà sikandin egkemenu. Piru emun edlimbung edhimetayan ku.”

1 Hadì 13:34

Heini is mibeelan ni Jeroboam nehimu he hinungdan te kebpekesalà te pemilya zin wey nekeuwit te kezeetan wey kemetayen diyà te kandan.

2 Cronica 28:23

Nemuhat sikandin te menge pemuhat diyà te menge ed-ezapen te menge tig-Damascus he nekezaag kandin. Su ke sikandin te, “Is menge hadì te Aram ne midtevangan te menge ed-ezapen dan. Umbe ebpemuhaten ku zaan heini he menge ed-ezapen para tevangi e zan.” Piru iyan heini nekezezaat kandin wey te tivuuk he Israel.

Salmo 119:1

Utew zeyzey is menge etew he wazà igkesawey kandan, wey nengungubpaan he ed-ikul te kesuǥuan te Nengazen.

Salmo 140:11

Berakat ke kenè en mebpedayun kayi te tanà is menge etew he menge tigbutangbutang te zuma. Berakat daan he meumahi te vangkit is menge mesipala he iyan ebpekezezaat kandan.

Salmo 15:2

Is tavak te Nengazen, “Iyan is etew he wazà duen igkesawey wey meupiya is menge ulaula zin. Tutuu wey tinutuuwà is kegkaǥikaǥi zin.

Salmo 25:21

Metazeng a wey wazà igkesawey kediey; umbe iyan ke en metau he kenà a mekeizi. Edsarig e zà kenikew.

Salmo 26:1

Nengazen, ipeehè nu he wazè ku salà, su nengungubpaan a he wazà igkesawey kedì ne mibpurung a medsarig kenikew.

Erubasa 10:29

Is kedsunud te menge suǥù te Nengazen iyan iliyan te menge metazeng, iyan, is menge lalung he edsupak kayi ne egkengezeetan mulà.

Erubasa 11:20

Egkeepesan te Nengazen is menge etew he iyan dan ed-isipen is mezaat, iyan, igkelipey zin mulà is menge etew he wazà igkesawey te menge ulaula zan.

Erubasa 11:3

Is etew he metazeng, egketuenan din ke hengkey is ereg he ebeelan din su hustu man is paaǥi zin, piru is etew he edlimbung, egkezeetan su kenà hustu is paaǥi zin.

Erubasa 21:12

Is Megbevayà he metazeng netuenan din is menge vaal te menge etew he lalung, ne edsilutan din sikandan.

Erubasa 5:22

Is mezaat he menge ulaula te lalung he etew iring te litag he ebpekehiket kandin.