Erubasa 11:9 - Manobo Western Bukidnon OT

⁹ Edezeetan te menge etew he wazà medtuu te Megbevayà is duma zan pinaaǥi te menge ebpekezezaat he ebpengeǥiyen dan, iyan, egkelibri mulà is metazeng he menge etew pinaaǥi te kegkeuluwanen dan.

Erubasa 11:9 ပူးပေါင်းရင်းမြစ်များ

Salmo 55:12

Ke và ku zà kuntada is ed-insultu kedì ne egkaantus ku heini. Ke và ku zà ukag is ebpendezeisey kedì ne egkelikayan ku sikandin.

Job 34:30

su wey zin meeǥen is kedumala te menge etew he wazà medtuu kandin he ebpekezezaat te menge etew.

Job 8:13

Ne iring daan keniyan is egkepeveyaan te langun he etew he ed-iniyug te Megbevayà. Wazà egkeperateng te etew he wazà medsarig te Megbevayà.

1 Hadì 22:6

Umbe, impetawag ni Ahab is menge ebpeneuven–400 sikandan langun, ne mid-insà te, “Egenat e ve te kebpekidtebek diyà te Ramot Gilead etawa kenà?” Midtavak dan te, “Genat kad, su ebpengelinteuwan te Nengazen he mekezaag ka!”

Erubasa 11:6

Is metazeng he kebpengungubpaan te etew iyan hustu he ebpekelibri kandin, piru is mezaat he penganduy te etew he meluiven ne ebpekezezaat kandin.

Erubasa 11:8

Edlibriyen te Megbevayà te kelised is metazeng he etew, piru kenè din mulà edlibriyen is lalung.

Erubasa 16:29

Is etew he mesipala, egkelimbungan din is duma zin pinaaǥi te pesarig din, ne egkeuwit din diyà te kezeetan.